رەسەي ديپلوماتى پۋتيننىڭ ۋكرايناعا باستاعان سوعىسىن ايىپتادى
25 مامىر 09:27

رەسەي ديپلوماتى پۋتيننىڭ ۋكرايناعا باستاعان سوعىسىن ايىپتادى

نۇر- سۇلتان. قازاقپارات - بىرىككەن ۇلتتار ۇيىمىنىڭ جەنيەۆاداعى رەسەي وكىلدىگىندە ىستەگەن بوريس بونداريەۆ جۇمىستان شىعىپ كەتتى، دەپ حابارلايدى «حابار 24».

«رەيتەر» اقپارات اگەنتتىگىنىڭ حابارلاۋىنشا، 41 جاستاعى ديپلومات سىرتقى ىستەر مينيسترلىگىنە رەسمي حات جازعان. وندا ول ۆلاديمير پۋتيننىڭ ۋكرايناعا باستاعان سوعىسىن ايىپتاعان.

بوريس بونداريەۆ، ب ۇ ۇ- نىڭ جەنيەۆاداعى رەسەي وكىلدىگىنىڭ بۇرىنعى ديپلوماتى:

- رەسەي ۇكىمەتىنىڭ اقپاننان بەرگى ءىس- ارەكەتىمەن مۇلدە كەلىسپەيمىن. مەنى ولارمەن بايلانىستىرعانىن قالامايمىن. «Z» دەگەن سەمىز ءارىپ ءبىزدىڭ ەلدە گۇلدەنگەن، ەركىن قوعام قۇرۋعا قاتىستى بارلىق ءۇمىتتى جويدى. 20 جىلدىق جۇمىس تاجىريبەمدە رەسەيدىڭ سىرتقى ىستەر مينيسترلىگىندەگى كاسىبيلىك قۇردىمعا كەتىپ، جالعان ساياسات سوڭعى جىلى ەڭ شىرقاۋ شىڭىنا جەتتى. مينيستر لاۆروۆ - كەرى كەتكەن جۇيەنىڭ جارقىن مىسالى. 18 جىل ىشىندە ول ءبىلىمدى كاسىبي ماماننان الەمگە يادرولىق قارۋمەن قوقان- لوقى كورسەتەتىن ادامعا اينالدى! قازىر رەسەيدىڭ سىرتقى ىستەر مينيسترلىگى ديپلوماتيامەن ەمەس، سوعىس ءورتىن ۇرلەۋمەن، وتىرىك جانە قاسكويلىكپەن اينالىسىپ كەلەدى.

www.24.kz


سونداي-اق... وقىڭىز

جاڭالىقتار