مولدوۆانىڭ بۇرىنعى پرەزيدەنتى تۇتقىندالدى
25 مامىر 09:02

مولدوۆانىڭ بۇرىنعى پرەزيدەنتى تۇتقىندالدى

نۇر- سۇلتان. قازاقپارات - مولدوۆانىڭ بۇرىنعى پرەزيدەنتى يگور دودون 3 تاۋلىككە قاماۋعا الىندى. وعان بىرنەشە باپ بويىنشا ايىپ تاعىلعان، دەپ حابارلايدى «حابار 24».

سولاردىڭ ىشىندە «مەملەكەتكە وپاسىزدىق جاساۋ» جانە «جەمورلىق» تا بار. يگور دودون 2016-2020 -جىلدار ارالىعىندا پرەزيدەنت قىزمەتىن اتقاردى. وعان قارسى قىلمىستىق ءىس قوزعاۋعا 2019-شى جىلعى بەينەجازبا تۇرتكى بولعان. وندا جەرگىلىكتى وليگارحتاردىڭ ءبىرى دودونعا تۇيىنشەك بەرىپ جاتادى. ونىڭ ىشىندە، پارا بولدى دەگەن كۇدىك بار. الايدا بۇرىنعى مەملەكەت باسشىسى تاعىلعان ايىپتاردىڭ ءبارىن جوققا شىعارىپ وتىر.

www.24.kz


جاڭالىقتار