قىتاي رەسەي مۇنايىن يمپورتتاۋدى ارتتىردى
25 مامىر 08:42

قىتاي رەسەي مۇنايىن يمپورتتاۋدى ارتتىردى

نۇر- سۇلتان. قازاقپارات - قىتاي شىعىس ءسىبىر- تىنىق مۇحيتى قۇبىرى ارقىلى جەتكىزىلەتىن رەسەيلىك مۇناي يمپورتىن ارتتىرۋدا. ءبىراق كوۆيدتىڭ قايتا ورشۋىنە بايلانىستى ەلدەگى ەنەرگيا رەسۋرستارىنا سۇرانىس تومەندەپ بارادى.

سوندىقتان كەيبىر ساتىپ الىنعان باررەلدەر جەرۇستى قويمالارىنا ءتۇسۋى مۇمكىن دەپ حابارلايدى profinance سايتى.

Vortex كەمە قاتىناسى كومپانياسىنىڭ مالىمەتىنشە، وسى ايدا كوزمينو پورتىنا جۇكتەلگەن 21 مۇناي تانكەرىنىڭ 20-سى قىتايعا ءجۇزىپ بارادى. قىتاي باسقا ساتىپ الۋشىلاردىڭ كوپشىلىگى باس تارتقان رەسەي مۇنايىن كوپتەپ ساتىپ الىپ جاتىر. شىعىس ءسىبىر- تىنىق مۇحيتى قۇبىرى ارقىلى وتەتىن مۇناي قىتايلىقتار ءۇشىن ەڭ تارتىمدى ءونىم. ويتكەنى ونى الىستان اكەلۋدىڭ قاجەتى جوق. كوروناۆيرۋستىڭ جاڭا تولقىنىنا بايلانىستى قارا التىنعا سۇرانىس قالاي بولاتىنى بەلگىسىز. ءبىراق پەكين ماسكەۋمەن ارزان رەسەيلىك مۇنايدى الىپ، ستراتەگيالىق قورلارىن تولىقتىرۋعا نيەت ءبىلدىرىپ، وسى باعىتتا كەلىسسوزدەر جۇرگىزىپ جاتقانى جازىلعان.

www.24.kz


جاڭالىقتار