قازاقستاندا باسپانا باعاسىنىڭ ءوسۋى باياۋلايتىنى بولجاندى
24 مامىر 18:18

قازاقستاندا باسپانا باعاسىنىڭ ءوسۋى باياۋلايتىنى بولجاندى

نۇر-سۇلتان. قازاقپارات - ەلىمىزدە تۇرعىن ءۇيدىڭ باعاسىنا تىكەلەي اسەر ەتەتىن نەگىزگى فاكتورلار اتالدى، دەپ حابارلايدى قازاقپارات ءتىلشىسى.

«الدىمەن باعاعا اسەر ەتەتىن ول - ينفلياتسيا. ەكىنشى فاكتور - حالىقتىڭ دەموگرافيالىق كورسەتكىشى. وتكەن جىلى قازاقستاندا 450 مىڭ بالا دۇنيەگە كەلدى. بۇل رەكوردتىق كورسەتكىش. تۋۋ كورسەتكىشىنىڭ وسۋىنە قاراپ، قازاقستاندىقتاردىڭ بولاشاعىنا دەگەن نىق سەنىمدى بايقاۋعا بولادى. وتباسى مۇشەلەرى ارتقان سايىن تۇرعىن ءۇيدىڭ دە اياسىن كەڭەيتۋ ماسەلەسى تۋىندايدى»، - دەدى «وتباسى بانك» ا ق- نىڭ باسقارما ءتوراعاسى ءلاززات يبراگيموۆا ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.

بانك باسشىسى كەلتىرگەن مالىمەتكە سايكەس، تۇرعىن ءۇي باعاسىنا اسەر ەتەتىن ءۇشىنشى فاكتور - الەمدەگى الەۋمەتتىك تەندەنتسيا.

«پاندەمياعا بايلانىستى كوپ ادامنىڭ باسپانا ماسەلەسىنە قاتىستى كوزقاراسى مەن ۇستانىمى وزگەردى. ادامدار قاشىقتان جۇمىس ىستەۋگە كوشتى. بۇل ءوز ءۇيى بولۋىنىڭ ماڭىزدىلىعىن ارتتىرا ءتۇستى. سونداي-اق ءتورتىنشى فاكتور - تۇرعىن ءۇي ماسەلەسىن شەشۋدە زەينەتاقى قورىنداعى جيناقتى قولدانۋ مۇمكىندىگى. ارينە، قازىر زەينەتاقى جيناعىن قولدانۋ مۇمكىندىگى تومەندەدى. ءساۋىر ايىنىڭ قورىتىندىسى بويىنشا 20 پايىزعا ازايدى. بيىلعى جارتى جىلداعى ەسەپ بويىنشا ەلىمىزدە باسپانا باعاسىنىڭ ءوسۋى باياۋلايدى دەپ ويلايمىن. ءبىراق باعانىڭ ايتارلىقتاي تومەندەۋى مۇمكىن ەمەس»، - دەيدى ول.

سونداي-اق اتالعان باسپا ءسوز ءماسليحاتىندا «باقىتتى وتباسى» باعدارلاماسى بويىنشا ءوتىنىم قابىلداۋدىڭ كەيىنگە شەگەرىلگەنى ايتىلعان بولاتىن.

جاڭالىقتار