بانك وپەراتورلارىنا كليەنتتەردىڭ دەرەكتەر بازاسى جابىلادى
24 مامىر 19:08

بانك وپەراتورلارىنا كليەنتتەردىڭ دەرەكتەر بازاسى جابىلادى

نۇر-سۇلتان. قازاقپارات - قازاقستاندا كەلىسىم بازاسى جاسالدى. ەندى سونىڭ ارقاسىندا حالىققا قىزمەت كورسەتۋ ورتالىقتارى مەن بانكتەردىڭ وپەراتورلارىنا كليەنتتىڭ جەكە دەرەكتەرى س م س- كود ارقىلى راستاۋ جىبەرىلگەننەن كەيىن عانا قولجەتىمدى بولادى.

بۇل تۋرالى ق ر سيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى باعدات مۋسين ايتتى، دەپ حابارلايدى قازاقپارات ءتىلشىسى.

«قازىرگى ۋاقىت دەرەكتەر ءداۋىرى. ءبىزدىڭ دەرەكتەرىمىزدى الۋ ءۇشىن ح ق ك و- نىڭ نەمەسە بانكتىڭ وپەراتورى بولۋ قاجەت. جانە دە ولاردا قول جەتكىزە الاتىن دەرەكتەردىڭ سانى وتە كوپ. مۇنداي جاپپاي قولجەتىمدىلىك بولماۋى ءۇشىن كەلىسىم بازاسىن جاساقتادىق. ول دەگەنىمىز نە؟ بۇرىنىراقتا ادام بانككە كەلگەن كەزدە وعان ءومىر بويى دەربەس دەرەكتەرىن وڭدەۋگە كەلىسىم بەرۋ تۋرالى كىشكەنتاي ارىپتەرمەن جازىلعان قاعازدى تىقپالايتىن. ەشكىم ونى نازار اۋدارىپ وقىعان دا جوق، قول قويىپ بەرە سالاتىن. قۇجات مۇراعاتقا كەتەتىن. ەندىگى ۋاقىتتا مۇنداي كەلىسىمدەردىڭ ءبارىن سيفرلىق تۇردە راسىمدەلەتىندەي جانە بازامىزعا تۇسەتىندەي قىلىپ جاسادىق»، - دەدى مينيستر اقتوبە وبلىسى جۇرتشىلىعىمەن كەزدەسۋ بارىسىندا.

ونىڭ اتاپ وتۋىنشە، بۇگىندە مۇنداي ءادىس مامانداندىرىلعان حالىققا قىزمەت كورسەتۋ ورتالىقتارىندا قولدانىلىپ ءجۇر. وپەراتور كليەنتكە قىزمەت كورسەتپەستەن بۇرىن ونىڭ تەلەفون ءنومىرىن سۇرايدى جانە سول نومىرگە س م س- كود كەلەدى. كود ەنگىزىلگەننەن كەيىن عانا وپەراتور دەربەس دەرەكتەرمەن جۇمىسىن باستاي الادى.

«بۇل پروتسەستى كۇردەلەندىرۋ ءۇشىن ەمەس، ءبىزدىڭ دەرەكتەرىمىزدى قورعاۋ ءۇشىن جاسالدى»، - دەدى باعدات مۋسين.

جاڭالىقتار