موبيلدىك قوسىمشالاردى قازاق تىلىندە قىزمەت كورسەتۋگە ماجبۇرلەيمىز – مۋسين
24 مامىر 18:41

موبيلدىك قوسىمشالاردى قازاق تىلىندە قىزمەت كورسەتۋگە ماجبۇرلەيمىز – مۋسين

نۇر-سۇلتان. قازاقپارات - موبيلدىك سەرۆيستەر مەن قوسىمشالاردى قازاق تىلىندە قىزمەت كورسەتۋگە ماجبۇرلەيمىز.

بۇل تۋرالى ق ر سيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى باعدات مۋسين ايتتى، دەپ حابارلايدى قازاقپارات ءتىلشىسى.

«بۇعان بۇرىن ءمان بەرمەۋشى ەدىك. تەك قانا مەملەكەتتىك ورگانداردىڭ سايتتارىنا، پورتالدارىنا نازار اۋدارىپ كەلدىك. ولاردى ماجبۇرلەپ، قازاقشا اۋدارتتىق. ءبىراق، ولاردىڭ دا ساپاسى ازداپ تومەن ەكەنىن بىلەمىز. قازىر جاقسارتىپ جاتىرمىز. ولارعا تالاپ قويىلدى، جۇمىس جۇرگىزىلىپ جاتىر. مۇندا جەكەمەنشىك سەرۆيستەردىڭ، Facebook- ءتىڭ قازاقشاسى نەگە جوق دەگەن سۇراق تۋىندايدى عوي. ءبىراق ونى ءبىز قالاي قازاقشا جاساي الامىز؟ ول - نارىق. Facebook ءوزى جاساماسا، ءبىز جاساي المايمىز عوي. ونى ماجبۇرلەسەك، قازاقشا جوق دەپ جاۋىپ تاستاساق، ادامدار شۋلاي باستايدى. سوندىقتان وسى ساتىدا قازىر امەريكاعا بارماي-اق قويايىق، جانىمىزداعى سەرۆيستەر – 2 گيس، ياندەكس بولسىن، سولارعا شىعىپ، وسىنداي تالاپتاردى قويىپ جاتىرمىز.

«ءبىزدىڭ ەكونوميكادا جۇمىس ىستەگىڭىز كەلسە، وندا قازاق ءتىلىن ەنگىز» دەگەن تالاپ قويامىز. سونداي ۇسىنىستاردى تالقىلاۋدامىز»، - دەدى مينيستر اقتوبە وبلىسى جۇرتشىلىعىمەن كەزدەسۋ بارىسىندا.

ونىڭ اتاپ وتۋىنشە، مۇنداي تالاپتى زاڭعا ەنگىزۋ دە قاجەت.

«بۇل كۇردەلى ماسەلە. ءبىراق، ونى بىرتىندەپ ەنگىزەمىز»، - دەدى باعدات مۋسين.


جاڭالىقتار