نەلىكتەن كوزدىڭ اعى سارعايادى؟

None
None
نۇر-سۇلتان. قازاقپارات - كوز - دەنساۋلىققا قاتىستى پروبلەما جايلى بەلگى بەرەتىن ورگانداردىڭ ءبىرى.

Неліктен көздің ағы сарғаяды?

كوز اعىنىڭ وزگەرۋى - قاۋىپتى بەلگى. كوزدىڭ سارعايۋى ۆيزۋالدى وزگەرىستەرمەن بىرگە ءجيى جوعارى دەنە تەمپەراتۋراسى، قۇرساق قۋىسىنىڭ اۋىرۋى جانە اسقازان-ىشەك جولى پروبلەمالارىمەن قاتار جۇرەدى. كوز اعىنىڭ سارعايۋى قانداي قاۋىپتى اۋرۋلاردىڭ بەلگىسى بولۋى مۇمكىن؟

قاتەرلى كونيۋنكتيۆيت

كوز اعىنىڭ ءتۇسىن وزگەرتۋى مەلانومانىڭ جانە باسقا دا جاڭادان پايدا بولعان زاتتاردىڭ دامۋىنان بولۋى مۇمكىن. قاتەرلى كونيۋنكتيۆيت وتە سيرەك كەزدەسەدى جانە ونى تەك مامان انىقتاي الادى. ول قانشالىقتى ەرتە انىقتالسا، ونى دەنساۋلىققا سالدارسىز شەشۋ مۇمكىندىگى دە سونشالىقتى جوعارى بولادى.

اعزاداعى زات الماسۋ پروتسەستەرىنىڭ بۇزىلۋى

كوز اعىنىڭ سارعايۋى اعزاداعى زات الماسۋ پروتسەستەرىنىڭ بۇزىلۋىمەن شاقىرىلعان بولۋى مۇمكىن. ءجيى وسى پروبلەماعا اكەلەتىن اۋرۋ تۇرلەرىن ۇسىنامىز:

اميلويدوز

بۇل ءتۇرلى ورگاندار تىندەرىندە اميلويد جينالىپ، اعزاداعى اقۋىزدار الماسۋىنىڭ بۇزىلۋىنا اكەلەتىن جۇيەلى اۋرۋ. ىشكى ورگاندارداعى اميلويد تۇزىلىمدەرى ولاردىڭ قىزمەتىنە جاعىمسىز اسەر ەتەدى. قاندا تىكەلەي ەمەس بيليرۋبين دەڭگەيى ارتىپ كەتەتىندىكتەن كوزدىڭ اعى سارعايىپ كەتەدى.

گەموحروماتوز

بۇل تۋا بىتكەن تەمىر الماسۋىنىڭ بۇزىلۋى. ول تىندەر مەن ورگانداردا ەداۋىر جينالىپ قالاتىندىقتان، باۋىر قالىپتى قىزمەت ەتە الماي قالادى. ناتيجەسىندە، تەرى مەن كوزدىڭ اعى سارعىش رەڭككە بويالادى.

ۇيقىنىڭ جەتىسپەۋى

اعزاعا ارتىق كۇش تۇسسە دە، كوز شەلىنىڭ ءتۇسى وزگەرەدى. سوزىلمالى ۇيقىسىزدىق، دۇرىس جارىقتاندىرىلماعان بولمەدە كىتاپ وقۋ جانە كومپيۋتەر الدىندا ۇزاق وتىرۋ - كوز ساۋلىعىنىڭ نەگىزگى جاۋلارى.

تازا اۋادا ءبىراز جۇرۋگە جانە جۇمىس اراسىندا ۇزىلىستەر جاساۋعا تىرىسىڭىز. ۇيىقتارعا ءبىر ساعات قالعاننان باستاپ تەلەديدار مەن سمارتفون قاراماۋ دا كوز شەلىنىڭ سارعايۋىنىڭ جانە قۇرعاق كوز سيندرومىنىڭ الدىن الادى.

دۇرىس تاماقتانباۋ

ەگەر تۇزدى تاماق، فاستفۋد جانە اشى تاماقتى كوپ جەۋگە ۇيرەنگەن بولساڭىز، ەرتە مە كەش پە دەنساۋلىققا قاتىستى پروبلەمالارعا جولىعاسىز. وعان ءتۇرلى كوز اۋرۋلارى دا كىرەدى. كوز شەلىنىڭ سارعايۋ مۇمكىندىگىن بارىنشا ازايتۋ ءۇشىن قۋىرىلعان، اشى جانە تۇزدى تاماقتى از جەۋگە تىرىسىڭىز. دارۋمەندەر مەن مينەرالدارعا باي ونىمدەردى تاڭداڭىز.

باۋىر اۋرۋلارى

ەگەر باۋىر تىكەلەي بيليرۋبيندى بەيتاراپتاندىرا الماسا، بۇل زاتتىڭ قانداعى شوعىرى ۋاقىت وتە ارتا بەرەدى. بۇل گەپاتيتكە - باۋىر جاسۋشالارى ۋىتتار، ۆيرۋستار جانە پارازيتتەرمەن زاقىمدالعان كەزدە داميتىن قاۋىپتى اۋرۋعا اكەلۋى مۇمكىن. بۇل ورگان ءوز مىندەتتەرىن تولىق ورىنداي الماعاندىقتان، تەرى مەن كوز ءتۇسى وزگەرە باستايدى.

تسيرروز - كوز اعى سارعاياتىن تاعى ءبىر باۋىر اۋرۋى. تسيرروزدىڭ سەبەپتەرى ءارتۇرلى بولادى: ىشىمدىككە سالىنۋ، دارىلەردەن ۋلانۋ، ۆيرۋستى گەپاتيت.

باۋىردىڭ قاتەرلى ىسىگى كەزىندە دە كوز بەن تەرى ءتۇسى سارعايىپ كەتەدى. بۇل اۋرۋدىڭ پايدا بولۋىنا پەستيتسيدتەرمەن ءجيى بايلانىس جانە اۋىر مەتالداردىڭ تۇزدارىنان ۋلانۋ ىقپال ەتەدى.

وفتالمولوگيالىق اۋرۋلار

مەلانوما، بىتەۋ ىسىك، پتەريگيۋم جانە سۋبكونيۋنكتيۆتى قان كەتۋ كوز اعىنىڭ سارعايۋىنىڭ سەبەبى بولا الادى. بۇل اۋرۋلار ءجيى ەگدە جاستاعى ادامداردا كەزدەسەدى. ولاردىڭ پايدا بولۋىنا ىقپال ەتەتىن سەبەپتەرگە ارتەريالىق قىسىمنىڭ بىردەن كوتەرىلۋى، قۇرعاق كوز سيندرومنىڭ اسقىنۋى، ۋلتراكۇلگىن ساۋلەنىڭ جانە جەلدىڭ اسەرى جاتادى.

جاڭا تۋىلعان نارەستەنىڭ سارعايۋى

ەگەر جاڭا تۋعان نارەستە كوزى اعىنىڭ سارعايعانىن بايقاساڭىز، ۋايىمداماڭىز. بۇل ەريتروتسيتتەردىڭ تولىق ىدىراۋىنان كەيىن ەكى اپتا شاماسىندا كەتەتىن سارعايۋ بەلگىسى. نارەستەنىڭ سىرت تەرىسى تۋىلعاننان كەيىن العاشقى 10-14 كۇن ىشىندە تابيعي تۇسكە كەلەدى.

كوز اعى سارعايىپ كەتسە، نە ىستەۋ كەرەك؟

ساۋ شەلدىڭ ءتۇسى — نازىك كوگىلدىر رەڭكى بار اق. ەگەر كوزدىڭ اعى سارعايعان سەكىلدى كورىنسە، وفتالمولوگ مامانىنا قارالىڭىز. ول مۇقيات كوزىڭىزدى تەكسەرىپ، قاجەت بولعان جاعدايدا باسقا دارىگەرلەرگە جىبەرەدى. جىلدام قويىلعان دياگنوز بەن ۋاقىتىلى ەمدەلۋ قاۋىپتى اسقىنۋلاردىڭ الدىن الۋعا كومەكتەسەتىنىن ۇمىتپاڭىز.

massaget.kz

سوڭعى جاڭالىقتار