سالوندارداعى اۆتوموبيل تاپشىلىعى كرەديت بەرۋگە كەرى اسەرىن تيگىزدى - ۇلتتىق بانك
24 مامىر 16:58

سالوندارداعى اۆتوموبيل تاپشىلىعى كرەديت بەرۋگە كەرى اسەرىن تيگىزدى - ۇلتتىق بانك

نۇر-سۇلتان. قازاقپارات - سالوندارداعى اۆتوموبيل تاپشىلىعى كرەديت بەرۋگە كەرى اسەرىن تيگىزدى.

بۇل تۋرالى قازاقپارات ۇلتتىق بانكتىڭ باسپا ءسوز قىزمەتىنە سىلتەمە جاساپ حابارلايدى.

«اۆتوكرەديتكە دەگەن سۇرانىستىڭ تومەندەۋى جەڭىلدەتىلگەن كرەديتتەۋ باعدارلامالارىنىڭ بولماۋىمەن بايلانىستى. ال سالوندارداعى اۆتوموبيل تاپشىلىعى كرەديت بەرۋگە تەرىس اسەر ەتتى. بيىلعى I توقسانداعى جاعداي بويىنشا، اۆتوكولىككە ماقۇلدانعان كرەديت ءوتىنىم ۇلەسى %13 دان %10 عا دەيىن تومەندەدى. ونىڭ ۇستىنە اۆتوكرەديتتەۋ تالاپتارى قاتاڭداتىلعان»، - دەلىنگەن بانك حابارلاماسىندا.

سونداي-اق II توقساندا ىسكە قوسىلاتىن جەڭىلدەتىلگەن اۆتوكرەديتتەۋ باعدارلاماسى اياسىندا ترانشتى الۋ جوسپارلانعانمەن، بانكتەر اۆتوكرەديتتەۋگە قاتىستى سۇرانىستىڭ ازاياتىنى بولجانۋدا.

ونىڭ ۇستىنە بانكتەر بولشەك كرەديتتەۋدىڭ بارلىق سەگمەنتى بويىنشا تالاپتاردى كۇشەيتپەك.


جاڭالىقتار