قازاقستاندا قانشا ەلدى مەكەن گازبەن قامتىلعانى بەلگىلى بولدى
24 مامىر 15:10

قازاقستاندا قانشا ەلدى مەكەن گازبەن قامتىلعانى بەلگىلى بولدى

نۇر-سۇلتان. قازاقپارات - قازاقستاندا 1700 دەن استام ەلدى مەكەن نەمەسە 11 ميلليوننان استام قازاقستاندىق تابيعي گازبەن قامتاماسىز ەتىلگەن.

بۇل تۋرالى ق ر پرەمەر-ءمينيسترى ءاليحان سمايىلوۆ ايتتى، دەپ حابارلايدى قازاقپارات ءتىلشىسى.

«الەمدىك تالداۋ ەنەرگيا كوزدەرىنىڭ باسقا تۇرلەرىن ءوندىرۋ مەن تۇتىنۋعا قاراعاندا گاز ونەركاسىبى وزىق قارقىنمەن دامىپ جاتقانىن كورسەتىپ وتىر. قازاقستاندا دا ءدال وسىنداي جاعداي. ماسەلەن، 2017-جىلى ەلىمىز شامامەن 14 ميلليارد تەكشە مەتر گاز تۇتىنسا، 2021-جىلى ونىڭ كولەمى 19 ميلليارد تەكشە مەترگە جاقىندادى. وتكەن جىلدىڭ وزىندە عانا 3600 دەن استام ونەركاسىپتىك نىسان گازعا كوشىرىلدى»، - دەدى پرەمەر-مينيستر ۇكىمەتتىڭ بۇگىنگى وتىرىسىندا.

وسىنىڭ ناتيجەسىندە سوڭعى 5 جىلدا ىشكى نارىقتا گاز تۇتىنۋ كولەمى %35 كە وسكەن. ال بيىل تۇتىنۋ كولەمى 20 ميلليارد تەكشە مەترگە دەيىن ارتادى دەپ بولجانعان.

«گازداندىرىلعان ەلدى مەكەندەردىڭ جالپى سانى 1700 دەن اسادى. وسىلايشا 11 ميلليوننان استام قازاقستاندىق تابيعي گازعا قول جەتكىزەدى. بۇل تۇراقتى ءوسىم كورسەتىپ وتىرعان گاز سالاسىنىڭ ەلىمىزدىڭ الەۋمەتتىك-ەكونوميكالىق دامۋىندا ماڭىزدى ورىن الاتىنىن كورسەتەدى»، - دەدى ءاليحان سمايىلوۆ.

بۇعان دەيىن ەنەرگەتيكا ءمينيسترى 2022-جىلى حالىقتىڭ %58,43 پايىزى گازبەن قامتىلاتىنىن ايتقان ەدى.

بيىل 133 جوبانى ىسكە اسىرۋعا 96 ميلليارد تەڭگە قاراستىرىلدى، بۇل 146 مىڭ ادامدى نەمەسە 93 ەلدى مەكەندى گازبەن قامتاماسىز ەتۋگە مۇمكىندىك بەرەدى.

جاڭالىقتار