14:56, 24 - مامىر 2022 | GMT +6
زەلەنسكي قانداي جاعدايدا پۋتينمەن كەلىسىمگە كەلەتىنىن ايتتى
نۇر-سۇلتان. قازاقپارات – زەلەنسكي قانداي جاعدايدا پۋتينمەن كەلىسىمگە كەلەتىنىن ايتتى، - دەپ حابارلايدى ت ا س س.
ۋكراينا پرەزيدەنتى ۆلاديمير زەلەنسكي رەسەي باسشىسى ۆلاديمير پۋتينمەن تەك قاقتىعىستى توقتاتۋ ماسەلەسى بويىنشا كەزدەسۋگە دايىن ەكەنىن ايتتى.
«مەن پۋتيننەن باسقا رەسەي وكىلدەرىمەن كەزدەسپەيمىن. ەكى مەملەكەت باسشىسى قوزعاۋى كەرەك باستى ماسەلە - سوعىستى توقتاتۋ. بۇدان باسقا كوتەرىلەتىن ماسەلە دە جوق»، - دەيدى ۋكراينا پرەزيدەنتى.
زەلەنسكي ءدال قازىر پۋتينمەن جەكە كەزدەسۋدىڭ قيىن ەكەنىن ايتتى.
«رەسەي باسشىسىمەن كەزدەسۋ ۇيىمداستىرۋ وڭاي بولماي تۇر. دەگەنمەن ءبىز جانجالدى اياقتاۋعا تىرىسۋىمىز كەرەك»، - دەپ قوستى ول.
سونىمەن قاتار، كيەۆ تۇتقىنداردى شۇعىل الماستىرۋعا دايىن ەكەنىن ءبىلدىردى.