مينيسترلىك سوڭعى قوڭىراۋدا ۇستازدارعا قانداي سىيلىق سىيلاۋعا بولاتىنىن ايتتى
24 مامىر 12:54

مينيسترلىك سوڭعى قوڭىراۋدا ۇستازدارعا قانداي سىيلىق سىيلاۋعا بولاتىنىن ايتتى

نۇر-سۇلتان. قازاقپارات - بيىل پاندەميادان كەيىن العاش رەت 25-مامىردا سوڭعى قوڭىراۋ سالتاناتىن وتكىزۋگە رۇقسات بەرىلدى.

دەگەنمەن رەستوراندا مەكتەپ ءبىتىرۋ كەشىن وتكىزۋگە تىيىم سالىنعان، دەپ حابارلايدى قازاقپارات. سونداي-اق ءبىلىم جانە عىلىم مينيسترلىگى تۇلەكتەردىڭ ۇستازدارىنا سىيلىق جاساۋىنا بولمايتىنىن اتاپ ءوتتى. مەكتەپ اكىمشىلىگى مەن مۇعالىمدەرگە سىيلىق الۋ ءۇشىن اقشا جيناۋعا، ويىن- ساۋىق مەكەمەلەرىندە ءبىتىرۋ كەشىن ۇيىمداستىرۋعا رۇقسات جوق. دەسە دە، سوڭعى قوڭىراۋدا پەداگوگتارعا گۇل سىيلاۋعا بولادى.

«جىل سايىن 1-قىركۇيەك نەمەسە 25-مامىر قارساڭىندا «مۇعالىمگە گۇل سىيلاۋعا بولا ما، بۇل زاڭبۇزۋشىلىق بولىپ سانالماي ما؟» دەگەن سۇراق تۋىندايدى. ءبىزدىڭ ۇستانىمىمىز - ءيا، بولادى. بۇل جاقسى ءداستۇر عوي»، - دەيدى مەكتەپكە دەيىنگى جانە ورتا ءبىلىم كوميتەتىنىڭ ءتورايىمى گۇلميرا كارىموۆا.

ايتا كەتەيىك، قازاقستاننىڭ بارلىق مەكتەبىندە سوڭعى قوڭىراۋ مەرەكەسى 25-مامىردا وتەدى. ال اتتەستاتتى سالتاناتتى تاپسىرۋ ءراسىمى 16-17-ماۋسىمعا بەلگىلەنگەن.

جاڭالىقتار