تەك ادام مۇسىندەرى «تۇراتىن» اۋىلعا تاپ بولعان فوتوگراف تاڭدانىسىن جاسىرا المادى - فوتو
24 مامىر 12:40

تەك ادام مۇسىندەرى «تۇراتىن» اۋىلعا تاپ بولعان فوتوگراف تاڭدانىسىن جاسىرا المادى - فوتو

نۇر-سۇلتان. قازاقپارات – يۋكيسون لاقاپ اتىمەن تانىمال جاپونيالىق فوتوگراف كەن وكي توياما پرەفەكتۋراسىندا ساياحاتتاپ ءجۇرىپ، ادام مۇسىندەرى «تۇراتىن» اۋىلعا تاپ بولعان، دەپ حابارلايدى Bigpicture.ru.

باسىلىمنىڭ حابارلاۋىنشا، ادام مۇسىندەرىنەن تۇراتىن ەرەكشە جەر فۋرەاي- سەكيبۋتسۋ- نو- ساتو اۋىلىنىڭ ماڭىندا ورنالاسقان.

«مەن ءوزىمدى قۇددى ءبىر تىيىم سالىنعان ايماققا تاپ بولعانداي سەزىندىم. ادام سەنگىسىز جاعداي»، - دەپ جازعان كەن وكي الەۋمەتتىك جەلىدە.


شىن مانىسىندە ول ساياباقتىڭ نەگىزىن قالاۋشى مۋسۋو فۋرۋكاۆانىڭ تانىستارى مەن بۋددا قۇدايلارىنىڭ 800 ءتۇرلى ءمۇسىنى قويىلعان ساياباققا كەزىككەن.


باستاپقىدا ساياباقتى ادامدار دەمالاتىن جانە ولارعا تىنىشتىق سىيلايتىن تانىمال تۋريستىك ورىنعا اينالدىرۋ كوزدەلگەن.


الايدا ۋاقىت وتە كەلە مۇسىندەر ءوز قالپىن جوعالتىپ، كەلۋشىلەرگە جايسىزدىق تۋدىرا باستاعان كورىنەدى.


جاڭالىقتار