ەلوردالىقتار «پرەزيدەنتتىك حابارلاندىرۋ» پيلوتتىق جوباسىنا قوسىلدى
23 مامىر 21:47

ەلوردالىقتار «پرەزيدەنتتىك حابارلاندىرۋ» پيلوتتىق جوباسىنا قوسىلدى

نۇر- سۇلتان. قازاقپارات - توتەنشە جاعدايلار مينيسترلىگى «قازاقتەلەكوم» ا ق- مەن بىرلەسىپ SMS- حابارلامالار ارقىلى ت ج تۋرالى حالىققا ەسكەرتۋ جاساۋ بالاما شەشىمىن پىسىقتاۋدا، دەپ حابارلايدى قازاقپارات.

ول ازاماتتاردىڭ ۇيالى تەلەفوندارىنا ماتىندىك حابارلامالاردى (12-20 سەكۋند ىشىندە) جەدەل تاراتۋدى جۇزەگە اسىرۋعا مۇمكىندىك بەرەدى. بۇل SMS- حابارلامالار ارقىلى حالىقتى حاباردار ەتۋدىڭ بالاما شەشىمى.

جوبانىڭ ماقساتى تابيعي جانە تەحنوگەندىك سيپاتتاعى ىقتيمال توتەنشە جاعدايلار (اۋا رايىنىڭ ناشارلاۋى، جولداردىڭ جابىلۋى جانە ت. ب. ) تۋرالى حالىقتى ۋاقتىلى حاباردار ەتۋ بولىپ تابىلادى. بۇل جۇيە ا ق ش، جاپونيا، يزرايل، گوللانديا، چيلي جانە ليتۆادا ءوزىن وڭ جاعىنان كورسەتتى. 23-مامىردا نۇر- سۇلتان قالاسىندا وسى جۇيە سىنامالى تۇردە ىسكە قوسىلدى. حالىققا «پرەزيدەنتتىك حابارلاندىرۋ» جانە «ۇلتتىق حابارلاندىرۋ» حابارلاماسى كەلدى. جۇيە شەتەلدە ازىرلەنگەن جانە وسى حابارلامالاردىڭ اتاۋى تەستىلىك بولىپ تابىلادى. الداعى ۋاقىتتا حابارلامالاردىڭ اتاۋى «112» دەپ اۋىستىرىلاتىن بولادى.


جاڭالىقتار