قازاقستاندا قانشا ادام ءۇي كەزەگىندە تۇر
ونىڭ 215 مىڭى كوپبالالى وتباسىلار، 1 جانە 2 توپتاعى مۇگەدەكتەر، جەتىم بالالار، مۇگەدەك بالالارى بار وتباسىلار سياقتى الەۋمەتتىك ءالجۋاز توپتارعا جاتادى.
ەڭبەك جانە حالىقتى الەۋمەتتىك قورعاۋ مينيسترلىگىنىڭ اقپاراتى بويىنشا، تۇرعىن ءۇي كەزەگىندە تۇرعان 70 مىڭ ازاماتتىڭ كىرىسى ەڭ تومەنگى كۇنكورىس دەڭگەيىن قۇرايتىندىعى انىقتالدى. ازاماتتاردىڭ بۇل ساناتىنىڭ ولاردىڭ مۇمكىندىكتەرىنىڭ شەكتەۋلىلىگىنە بايلانىستى تۇرعىن ءۇي ماسەلەسىن شەشۋ قاجەتتىگى وتكىر تۇر.
ال قالعان ازاماتتارعا ولاردىڭ قارجىلىق مۇمكىندىگىنە وراي جەڭىلدەتىلگەن نەسيەلەۋ باعدارلامالارى قاراستىرىلعان.
ازاماتتاردىڭ جەكەلەگەن ساناتتارىنىڭ تۇرعىن ءۇي ماسەلەسىن شەشۋدى جەدەلدەتۋ بويىنشا مەملەكەت باسشىسىنىڭ تاپسىرماسىنا سايكەس جەكە تۇرعىن ءۇي قورىنان باسپانانى جالداۋ تولەماقىسىن تولەۋ مەحانيزمى ەنگىزىلگەن ەدى.