ساياسات تانۋ، الەۋمەتتانۋ باعىتتارىن قىسقارتقان ج و و- لارعا شارا قابىلدانادى – مينيستر
بۇل تۋرالى ق ر ءبىلىم جانە عىلىم ءمينيسترى اسحات ايماعامبەتوۆ ايتتى، دەپ حابارلايدى قازاقپارات.
بۇگىن الماتىداعى ءال- فارابي اتىنداعى قازاق ۇلتتىق ۋنيۆەرسيتەتىندە قازاقستان ساياساتتانۋشىلارىنىڭ x سەزى ءوتتى. مينيستر ا. ايماعامبەتوۆ ارنايى سەكتسيالاردا ساياساتتانۋ ءپانىنىڭ وقىتۋشىلارى مەن دوكتورانتتارىن قىزىقتىرعان سۇراقتارعا جاۋاپ بەرىپ، ولاردىڭ ۇسىنىستارىن تىڭدادى.
«ارىپتەستەر ۋنيۆەرسيتەت باعدارلاماسى بويىنشا «ساياساتتانۋ» باعىتى جانە جالپى الەۋمەتتىك/گۋمانيتارلىق باعىت بويىنشا (الەۋمەت تانۋ 2 كرەديت، ساياسات تانۋ 2 كرەديت) كرەديتتەر سانىنىڭ جەتكىلىكسىزدىگى، جوعارى پەداگوگيكالىق جۇكتەمە جانە عىلىمي جۇمىستارعا ۋاقىت تاپشىلىعى تۋرالى، پروفەسسور- وقىتۋشىلار قۇرامىنىڭ بىلىكتىلىگىن ارتتىرۋ قاجەتتىلىگى، ونىڭ ىشىندە عىلىمي- زەرتتەۋ ادىستەمەسى جانە اكادەميالىق جازۋ جايىندا ءسوز قوزعادى. سونداي- اق قاتىسۋشىلاردىڭ كەيبىرى جەكەلەگەن جوعارى وقۋ ورىندارى مەملەكەتتىك ءبىلىم ستاندارتىن اينالىپ ءوتىپ، ساياساتتانۋ جانە الەۋمەتتانۋ باعىتتارىن قىسقارتىپ نەمەسە ونلاين فورماتقا كوشىرىپ، ورەسكەل بۇزۋشىلىق جاساپ جاتقانىن اتاپ ءوتتى. مينيسترلىك وسى ايتىلعان فاكتىلەر بويىنشا ءتيىستى شارا قابىلدايدى»، - دەدى مينيستر.
ق ر ب ع م باسشىسىنىڭ ايتۋىنشا، بىلتىر مينيسترلىككە باعىنىستى ج و و رەكتورلارىنا جالاقىنى كوتەرۋ بويىنشا ءتيىستى تاپسىرما بەرىلگەن. اتاپ ايتقاندا، ەڭ تومەنگى ايلىق وقىتۋشىلاردا - 200 مىڭ تەڭگەنى، دوتسەنتتەردە - 300 مىڭ تەڭگەنى، پروفەسسورلاردا - 350 مىڭ تەڭگەنى (ۇلتتىق ۋنيۆەرسيتەتتەردە 400 مىڭ تەڭگە) قۇراۋى ءتيىس بولدى. ونىمەن قوسا، پروفەسسورلىق- وقىتۋشىلىق قۇرامنىڭ جۇكتەمەسى ءبىر ستاۆكا بويىنشا 680 ساعاتتان اسپاۋى تيىستىگى بەلگىلەندى. بۇرىن 800-900 ساعات بولىپ كەلگەن.
«جالاقىنى كەزەڭ- كەزەڭىمەن ارتتىرۋ پەداگوگيكالىق جۇكتەمەنى كەزەڭ بويىنشا ازايتۋمەن، بارلىق بيزنەس- پروتسەستى سيفرلاندىرۋمەن جانە ەسەپتىلىكتى تۇبەگەيلى ازايتۋ جۇمىستارىمەن قاتار جۇرگىزىلۋى قاجەت»، - دەدى اسحات ايماعامبەتوۆ.