ك س ر و جاسىرعان اپات: كوپقاباتتى ۇيگە سوعىلعان ۇشاق

نۇر-سۇلتان. قازاقپارات - كەز كەلگەن جاعىمسىز اقپاراتتى سۇزگىدەن وتكىزۋ، ونى جۇرتشىلىقتان جاسىرۋ توتاليتارلىق رەجيمدەرگە ءتان قاسيەت. بۇل، اسىرەسە، بۇرىنعى ك س ر و ۋاقىتىندا ايقىن ەدى.

كەڭەس وداعى كەزىندە كوپتەگەن تابيعي جانە تەحنوگەندىك اپاتتار باسپا سوزدە جاريالانبادى، تەلەديداردان كورسەتىلمەدى. بۇل سول كەزدەگى حالىق اراسىندا ءتۇرلى بولجامدار مەن قورقىنىشتى قاۋەسەتتەرگە اكەلدى. بۇگىن ءبىز 46 جاسىرىلعان ۇشاق اپاتى تۋرالى ايتامىز.

ك س ر و جاسىرعان اپات: گاگارينگە دەيىن عارىشقا كىم ۇشتى؟

26-قىركۇيەك 1976 -جىل. جەكسەنبى كۇنى تاڭەرتەڭ 23 جاستاعى ۇشقىش ۆلاديمير سەركوۆ ادەتتە جەرگىلىكتى اۋەجايدان جولاۋشىلار مىنگەن ا ن-2 ۇشاعىن الىپ قاشادى. ول قالادان تومەن بيىكتىكتە ۇشىپ بارا جاتىپ بەس قاباتتى ۇيگە سوعىلادى.

كۋكۋرۋزنيك جەڭىل ۇشاق بولعانىمەن، ساعاتىنا 150 شاقىرىمنان استام جىلدامدىقپەن عيماراتقا سوعىلعاندا، ءۇيدىڭ 3-4- قاباتتارى اراسىن ەكى مەتردەي تەسىكتەسىپ، عيمارات ىشىنە كىرىپ كەتەدى.

ۇشاقتا قالعان جانار- جاعارمايدىڭ ورتەنىپ كەتۋى سالدارىنان ءدالىز جالىنعا ورانادى. ورتتەن جان ۇشىرعان ادامدار كومەككە كەلگەندەرگە الدىمەن بالالارىن تەرەزەدەن لاقتىرىپ، كەيىن وزدەرى سەكىرىپ كەتكەن.

دەگەنمەن، توتەنشە جاعدايدان امان قالۋ بارلىعىنا بىردەي بۇيىرمادى. ءورت سالدارىنان ءتورت ادام - ​​ 25 جاستاعى ايەل مەن 4 پەن 6 جاس ارالىعىنداعى ءۇش بالا قازا تاپتى. ولاردىڭ ەكەۋى ولەگ پەن الەكساندر تياپكيندەر مۇندا تۇرمايتىن، ولار ءبىر دوسىنىڭ ۇيىنە قوناققا كەلىپ، قونىپ قالعان بولاتىن. قايعىلى وقيعاعا شىداي الماعان ولەگ پەن الەكساندردىڭ اناسى ءبىر اپتادان كەيىن جۇرەك تالماسىنان قايتىس بولادى.

ساراپشىلاردىڭ ايتۋىنشا، ەگەر ۇشاق تۋرا ۇيگە سوعىلعان بولسا، قازا تاپقاندار سانى بۇدان دا كوپ بولۋى مۇمكىن ەدى. ۇشقىشقا ءۇي ماڭىندا ءوسىپ تۇرعان تەرەكتەر كەدەرگى كەلتىرىپ، اعاشتاردى اينالىپ وتەم دەگەن ول، ءۇيدىڭ دالىزىنە سوعىلعان كورىنەدى.

تەرگەۋ بارىسىندا جانكەشتى ۇشقىشتىڭ ايەلى ونى تاستاپ كەتكەنى جانە قايعىلى وقيعا ورىن العان ۇيدە، اتا- اناسىنىڭ پاتەرىندە 2 جاسار ۇلىمەن بىرگە تۇرعانى انىقتالادى. ولار تۇرعان پاتەر 3-قاباتتا ورنالاسقان، ال ۇشقىش ءدال سول پاتەردى نىساناعا العان. سەركوۆتىڭ ەسەپتەۋى بويىنشا، بۇل كەزدە قايىن اتاسى مەن قايىن ەنەسى جانە قىزى مەن نەمەرەسى اس ۇيدە تاڭعى اس ءىشىپ وتىرعان، ال ۇشاق ءدال سولاردىڭ ۇستىنە «قونۋى» كەرەك بولعان.

ءبىراق ولاردىڭ ەشقايسىسى سول كۇنى جانە ءدال سول ۋاقىتتا ۇيدە بولماعان. بولجام بويىنشا، ۇشقىشتىڭ قايىن اتاسى (نەمەسە بارلىق ەرەسەكتەر) الداعى كەك الۋ جوسپارىن ءبىلىپ، امان قالۋ ءۇشىن باس ساۋعالاعان. ءبىراق بۇل تۋرالى باسقا ەشكىم ەسكەرتپەگەن.

قايعىلى وقيعادان كەيىن كوپ ۇزاماي «كاميكادزەنىڭ» قايىن اتاسى جانىپ جاتقان ءۇيدىڭ اۋلاسىندا مۇلكىن ساقتاپ قالۋ ءۇشىن شورتىمەن جۇگىرىپ جۇرگەنىن كورگەندەر بولعان. كەيىن جازادان قورىققان وتباسى وقيعانىڭ ءمان- جايىنا سۇراعانداردان قاشىپ، تۇرعىلىقتى جەرىن ونداعان رەت اۋىستىرعان. ءسويتىپ، كوپشىلىكتەن جاسىرىنعان.

حرۋشيەۆ داۋىرىندە سالىنعان تۇرعىن ءۇي تەز قالپىنا كەلتىرىلىپ، قايعىلى وقيعانىڭ سالدارى جويىلادى. ۇكىمەت وقيعانىڭ ءمان- جايىن جاسىرىپ قالادى. وقيعا تۋرالى ەش جەردە رەسمي اقپارات بەرىلمەيدى. كەرىسىنشە، بۇل ءىستى لاڭكەستەر ۇيىمداستىردى دەگەن قاۋەسەتتەر قالانىڭ تۇكپىر- تۇكپىرىندە ءورشيدى. وقيعانىڭ كۋاگەرلەرى ۇشاق ۇشقىشىن «جىندىعا» شىعارادى.

33 جىلدىق جۇمباق ۇمىتىلىپ بارا جاتقان تۇستا، 2000- جىلداردىڭ باسىندا ك گ ب مۇراعاتىنداعى وقيعانى بەلگىلەيتىن قۇجاتتار قۇپياسىزداندىرىلعاننان كەيىن اشىلدى.

massaget.kz