ەلوردادا جاس ءوسپىرىم قىز ءبىر اپتادان بەرى تابىلماي جاتىر

نۇر- سۇلتان. قازاقپارات - ەلوردادا وسىدان ءبىر اپتا بۇرىن ۇيىنەن شىعىپ كەتكەن 17 جاستاعى قىز تابىلماي جاتىر، دەپ حابارلايدى قازاقپارات ءتىلشىسى.

الەۋمەتتىك جەلىلەرگە تاراعان بۇل حاباردى نۇر- سۇلتان قالالىق پوليتسيا دەپارتامەنتى راستاپ، قىز بالانى ىزدەستىرۋ ءالى ءجۇرىپ جاتقانىن ءمالىم ەتتى. تاراتىلعان اقپاراتقا قاراعاندا، 2005 -جىلى تۋعان ءجاسوسپىرىم 16-مامىر كۇنى ۇيىنەن فۋتبول ويناۋعا شىعىپ، بەلگىسىز باعىتقا كەتىپ قالعان. ۇستىنە قارا فۋتبولكا، قارا تريكو، اياعىنا سۇر كروسسوۆكا كيگەن.

قىز بالا جايىندا دەرەك بىلەتىن ازاماتتار استانا ەرىكتىلەرىنىڭ Instagram-پاراقشاسىندا جاريالانعان 77759126620, 77014926249 ۇيالى تەلەفون نومىرلەرىنە نەمەسە 102-گە قوڭىراۋ سوعا الادى.