قازاقستاندا مايمىل شەشەگىن جۇقتىرۋ جاعدايلارى تىركەلگەن جوق – مينيسترلىك

نۇر- سۇلتان. قازاقپارات - قازاقستاندا مايمىل شەشەگىن جۇقتىرۋدىڭ بىردە- ءبىر جاعدايى تىركەلگەن جوق.

بۇل تۋرالى ق ر دەنساۋلىق ساقتاۋ مينيسترلىگىنەن ءمالىم ەتتى، دەپ حابارلايدى قازاقپارات.

ق ر باس سانيتارلىق دارىگەرى - دەنساۋلىق ساقتاۋ ۆيتسە- ءمينيسترى ايجان ەسماعامبەتوۆانىڭ ايتۋىنشا، مەملەكەتتىك شەكارا ارقىلى وتكىزۋ ورىندارىندا سانيتارلىق- كارانتيندىك باقىلاۋ جۇرگىزىلىپ جاتىر، ونىڭ ىشىندە قاشىقتان تەرمومەتريا بار. مايمىل شەشەگى (monkeypoxes - MPXV) - سيرەك كەزدەسەتىن جۇقپالى اۋرۋ. قىزبا، جالپى ينتوكسيكاتسيا جانە ەكزانتەمانىڭ پايدا بولۋىمەن سيپاتتالادى (قىزارۋ).

ينكۋباتسيالىق كەزەڭ - 5-21 كۇن. ناۋقاستا دەنە قىزۋىنىڭ جوعارىلاۋى، دەنەنىڭ اۋىرۋى، السىزدىك، بورتپە، قۇسۋ، ليمفا تۇيىندەرىنىڭ ۇلعايۋى، باس اينالۋى بايقالادى. اۋرۋدىڭ ۇزاقتىعى 2-3 اپتا. مايمىل شەشەگى اۋرۋىن جابايى جانۋارلار تاراتادى: پريماتتار مەن كەمىرگىشتەر (تيىندەر). سونداي- اق ينفەكتسيا ناۋقاستىڭ قانى نەمەسە ونىڭ بيولوگيالىق سۇيىقتىعى ارقىلى، اۋرۋ جانۋاردىڭ ەتىن قولدانۋ سالدارىنان جۇعۋى مۇمكىن. 2022 -جىلدىڭ 20 مامىرىندا دۇنيەجۇزىلىك دەنساۋلىق ساقتاۋ مينيسترلىگى كونگودا جىل باسىنان بەرى مايمىل شەشەگىنىڭ 1,2 مىڭ جاعدايى تىركەلگەنىن حابارلادى. د د ۇ- نىڭ الدىن الا مالىمەتى بويىنشا، افريكا قۇرلىعىنان تىس الەمنىڭ 14 ەلىندە (يسپانيا، پورتۋگاليا، ۇلىبريتانيا، بەلگيا، كانادا ، گەرمانيا، يتاليا، اۆستراليا، نيدەرلاندى، ا ق ش ، يزرايل، فرانتسيا، شۆەيتساريا ، شۆەتسيا) 110 جاعداي انىقتالدى.

ق ر باس سانيتارلىق دارىگەرى جازعى كانيكۋل جانە دەمالىس ماۋسىمىنىڭ باستالۋىنا وراي شەت ەلدەرگە شىعاتىن قازاقستاندىقتار ءۇشىن كەلەسىدەي كەڭەسىن بەردى:

1) مايمىل شەشەگىنىڭ ءورشۋى تىركەلگەن باتىس افريكا ەلدەرىنە (كونگو دەموكراتيالىق رەسپۋبليكاسى، كونگو رەسپۋبليكاسى، كامەرۋن، ورتالىق افريكا رەسپۋبليكاسى، نيگەريا، كوت- د ' يۆۋار، ليبەريا، سەررا- لەونە، گابون جانە وڭتۇستىك سۋدان) بارۋدان اۋلاق بولىڭىز (اسىرەسە بالالارمەن) بارۋدان باس تارتۋ؛

2) شەت ەلدەرگە شىققان جاعدايدا جابايى جانۋارلارعا (پريماتتارعا، كەمىرگىشتەرگە) تايانباۋ، بەي- بەرەكەت ساۋدا ورىندارىندا جانە كوشەدە تاماقتانباۋ. تاماققا تەك تەرميالىق وڭدەلگەن ەتتى (ازىق- تۇلىكتى) پايدالانۋ؛

3) ادامدار كوپ جينالاتىن ورىندارعا بارعان كەزدە جەكە پروفيلاكتيكا (قاشىقتىق، ماسكالار، انتيسەپتيكتەر) شارالارىن پايدالانۋ. قول گيگيەناسىن ساقتاۋ؛

4) ساپارلاردان ورالعاننان كەيىن 3 اپتا ىشىندە مازاسىزدىق، قىزبا، بورتپە (قىزارۋ، كوپىرشىكتەر جانە تاعى باسقا) بايقالسا - شەتەلدە بولعانىڭىز تۋرالى مىندەتتى تۇردە حابارلاي وتىرىپ، جاقىن ماڭداعى مەديتسينالىق مەكەمەگە دەرەۋ جۇگىنۋ.