اۋعان تەلەجۇرگىزۋشىلەرى ايەل ارىپتەستەرىن قولداپ، ەفيرگە ماسكا تاعىپ شىقتى
قازاقپارات ءتىلشىسى بۇل تۋرالى اۋعان تەلەارناسىنا سىلتەمە جاساپ حابارلايدى. اۋعانستاندا تەلەديدار ەفيرىندە ايەلدەرگە حيدجاب نەمەسە نيكاب كيۋىن مىندەتتەيتىن جارلىق شىقتى. ونىڭ قولدانىس مەرزىمى 22-مامىردان باستالدى.
جاڭا ەرەجەلەر بارلىق بۇقارالىق اقپارات قۇرالدارىنا قولدانىلادى. بۇل رەتتە، TOLOnews تەلەارناسىنىڭ مالىمدەۋىنشە، «يسلام امىرلىگى» باسشىلىعىنىڭ حيدجاب كيۋ تۋرالى جارلىعىندا تەلەديدار باعدارلامالارىندا جۇرگىزۋشى ايەلدەردىڭ بەتتەرىن جابۋىنا قاتىستى ناقتى نۇسقاۋ جوق.
«بىزگە بۇل شەشىمدى بەلگىلەنگەن مەرزىمدە ورىنداۋ كەرەك دەپ ايتىلدى جانە بۇگىن ءبىز ونى ورىندادىق. ءبىراق ءبىزدىڭ دالەلدەرىمىز ەكى جاقتى: بىرىنشىدەن، «يسلام امىرلىگى» باسشىلىعىنىڭ حيدجاب كيۋ تۋرالى جاقىندا شىعارعان جارلىعىندا تەلەباعدارلامالاردا جۇرگىزۋشى ايەلدەردىڭ بەتىن جابۋى كەرەك دەگەن ناقتى نۇسقاۋ بولعان جوق. ەكىنشىدەن، تەلەديدارداعى جۇرگىزۋشى ايەلدەردىڭ بەينەلەرى ۆيرتۋالدى، ايەلدەردىڭ تۇرلەرى ناقتى كورسەتىلمەيدى، سوندىقتان TOLOnews بۇل ماسەلەدە ءوز ۇستانىمىن ۇستانادى»، - دەدى تەلەارنا ديرەكتورى حپولۆاك ساپاي.
اۆتور: اياۋلىم التىنبەك