ولجاس سۇلەيمەنوۆ «قازاقستان حالىق كونگرەسى» پارتياسىن قۇرادى

الماتى. قازاقپارات- اقىن، قازاقستاننىڭ حالىق جازۋشىسى، لينگۆيست- زەرتتەۋشى، تۇركولوگ، مەملەكەت جانە قوعام قايراتكەرى ولجاس سۇلەيمەنوۆ «قازاقستان حالىق كونگرەسى» پارتياسىن قۇرادى.

بۇل تۋرالى ول باسپا ءسوز ءماسليحاتىندا ءمالىم ەتتى، دەپ حابارلايدى قازاقپارات ءتىلشىسى.

«پارتيا «قازاقستاننىڭ حالىق كونگرەسسى» دەپ اتالادى. تىركەۋدەن ءوتۋ ءۇشىن ادىلەت مينيسترلىگىنە قۇجاتتاردى جىبەردىك»، - دەدى ولجاس سۇلەيمەنوۆ.

سونىمەن قاتار ول جەر جانە ونىڭ قويناۋى حالىققا تيەسىلى بولۋى كەرەك ەكەنىن، ءاربىر قازاقستاندىققا ۇلتتىق رەسۋرستاردان كەپىلدەندىرىلگەن تابىس ءتۇسۋى قاجەتتىگىن اتاپ ءوتتى.

«ءبىز ديالوگ الاڭىن قۇردىق. وعان ءاربىر قوعام مۇشەسىن شاقىرامىز. قۋاتتى قازاقستاندى دامىتاتىن جانە ونى جۇزەگە اسىراتىن باعدارلاما دايىندادىق. ماقسات - كەمشىلىكتەردى ساراپتاپ، وعان قاجەتتى قادامدار جاساۋ»، - دەدى ول.

اۆتور: الما مۇقانوۆا