قىتايدا ەپيداحۋال قانداي
قوعامدىق كولىككە ءمىنۋ ءۇشىن جولاۋشى پ ت ر- تەستتىڭ تەرىس ناتيجەسىن كورسەتىپ، دەنە قىزۋىن ولشەۋى ءتيىس. نەگىزى قازىر شاھاردىڭ جارتى ميلليونعا جۋىق تۇرعىنى قاتاڭ لوكداۋندا. ولار بىرنەشە ساعاتقا عانا تىسقا شىعا الادى. جالپى جەرگىلىكتى بيلىك قالاداعى ەپيداحۋال بىرتىندەپ جاقسارا باستاعانىن ايتادى.
جاۋ داندان، شانحاي قالاسى دەنساۋلىق ساقتاۋ ىستەرى جونىندەگى كوميتەت باسشىسىنىڭ ورىنباسارى:
- ۆيرۋستى جۇقتىرۋدىڭ 52 دەرەگىنىڭ 23-كاراتيندىك ايماقتا انىقتالدى. 29 ناۋقاستىڭ اۋرۋى ەش بەلگىسىز وتكەن. ىندەت جۇقىرعانداردىڭ سوڭعى اپتادا جۇزدەن اسپاي وتىر.
بوتاگوز سىرعابايەۆا، ءتىلشى:
- ەگەر جالپى ەلدەگى احۋال تۋرالى ايتاتىن بولساق، تاۋلىكتىك ءوسىم مىڭنان اسپاي وتىر. ەڭ كوپ وقيعا شاڭحاي مەن بەيجىڭدە. بەيجىڭدە ۆيرۋستىڭ ءورشىپ تۇرعانىنا ءبىر ايدان استى. بۇل ۋاقىت ىشىندە ءبىر جارىم مىڭداي ادام اۋىرعان. ەپيداحۋالى جاقسى اۋدانداردا كيىم ساتاتىن دۇكەندەر سەكىلدى ساۋدا ورىندارى اشىق تۇر. ءبىراق قالانىڭ كوپ جەرىندە تەك سۋپەرماركەتتەر، بازارلار، ازىق- تۇلىك دۇكەندەرى، تاماقتى وزىمەن بىرگە اكەتۋگە بولاتىن مەيرامحانالار مەن ءدارىحانالار عانا جۇمىس ىستەيدى. كۇن سايىن ميلليونداعان ادام پ ت ر- تەست تاپسىرادى. سونىڭ ارقاسىندا كارانتيندىك ايماقتان تىس جەردە ۆيرۋس جۇقتىرۋ دەرەكتەرىن انىقتاۋعا بولادى. كەيىنگى ۋاقىتتا ونداي وقيعالار تاماق جەتكىزۋشىلەر اراسىندا، بازاردا، ءتىپتى جوعارى وقۋ ورنىندا دا انىقتالعان. سول سەبەپتى ۋنيۆەرسيتەت قالاشىقتارى وقشاۋلانعان.
سيۋي حەتجيان، بەيجىڭ اكىمشىلىگىنىڭ رەسمي وكىلى:
- ەپيدەميانىڭ الدىن الۋداعى جوعارى وقۋ ورىندارىنىڭ ورنى بولەك. سوندىقتان مۇندا لوكداۋن تالاپتارى قاتاڭ ساقتالۋى ءتيىس. وقىتۋشىلار ستۋدەنتتەرگە ساباقپەن قوسا كامپۋس ومىرىندەگى قيىندىقتاردى ەڭسەرۋدە قولىنان كەلگەنشە كومەكتەسۋ كەرەك.
بوتاگوز سىرعابايەۆا، ءتىلشى:
- بيلىك وتكەن تاۋلىكتە ۆيرۋس جۇقتىرۋ دەرەكتەرىنىڭ ارتا باستاعانىن ايتىپ، الاڭداپ وتىر. جاڭا وقيعالار، اسىرەسە، كارانتيندىك ايماقتاردان تىس جەردە كوپ. بۇعان دەيىن ايتقانىمداي، تۇرعىندار كۇن سايىن تەست تاپسىرادى. ونىڭ ناتيجەسى 2 تاۋلىككە جارامدى. الايدا ماسەلەن مەكتەپ باسشىلىعى بالالار قاشىقتان وقىسا دا، ولاردان كۇن سايىن تەكسەرۋدەن ءوتۋىن تالاپ ەتەدى. جەرگىلىكتى اقپارات قۇرالدارىندا جاڭا ناۋقاستار، ولاردىڭ تۇراتىن جەرى مەن جۇمىس ورنىنىڭ مەكەن جايى، سوڭعى ۋاقىتتا قاي جەرلەردە بولعانى تۋرالى مالىمەت جاريا ەتىلەدى. قالانىڭ 5 اۋدانىنداعى تۇرعىندار قازىر قاشىقتان جۇمىس ىستەپ جاتىر. دۇكەندەردە ازىق- تۇلىك تاپشىلىعى جوق. جالپى قالاداعى قازىرگى احۋال وسىنداي.