سامارقاندا پوليتسيا قازاقستاندىق تۋريستەردى سەبەپسىز ۇستاپ، ۋچاسكەگە اپارعان
23 مامىر 15:31

سامارقاندا پوليتسيا قازاقستاندىق تۋريستەردى سەبەپسىز ۇستاپ، ۋچاسكەگە اپارعان

تاشكەنت. قازاقپارات - سامارقاننىڭ ءى ءى ب قىزمەتكەرلەرى قازاقستاندىق تۋريستەردى زاڭسىز ۇستاپ، ارنايى تەحنيكالىق قۇرالداردى قولدانعان.

بۇل تۋرالى وزبەكستان ءى ءى د Telegram كانالىندا ۆەدومستۆونىڭ باسپا ءسوز قىزمەتىنىڭ باسشىسى شوحرۋح گياسوۆ ءمالىم ەتتى، دەپ حابارلايدى قازاقپاراتتىڭ مەنشىكتى ءتىلشىسى.

«مامىر ايىنىڭ 20-سىنان 21-ىنە قاراعان ءتۇنى سامارقان قالاسىندا ءى ءى ب پاترۋل- كۇزەت قىزمەتىنىڭ تۇنگى ۋاقىتتا قىزمەت اتقارۋ ءۇشىن تارتىلعان قىزمەتكەرلەرى ميرزو ۇلىقبەك كوشەسىندە تۋريستەردىڭ جەكە باسىن تەكسەرۋ بارىسىندا كاسىبي ەتيكا نورمالارىن ورەسكەل بۇزىپ، قىزمەت بابىن جانە ارنايى تەحنيكالىق قۇرالداردى قولدانۋ جونىندەگى وكىلەتتىگىن اسىرا پايدالانعان»، - دەپ مالىمدەدى ءى ءى م رەسمي وكىلى.

ول اتالعان فاكتى بويىنشا وزبەكستان رەسپۋبليكاسى ءى ءى م جەكە قاۋىپسىزدىك قىزمەتى پروكۋراتۋرا ورگاندارىمەن بىرلەسىپ قىزمەتتىك تەكسەرۋ جۇرگىزىپ جاتقانىن ايتتى. ونىڭ قورىتىندىسى بويىنشا زاڭ بۇزعان بۇكىل قىزمەتكەردى، سونداي- اق ولاردىڭ باسشىلارىن جاۋاپقا تارتۋ جانە قىزمەتىنەن شەتتەتۋ ماسەلەسى قارالادى.

وقيعا تۋرالى «تاشكەنتتىڭ قارا ءتىزىمى» اتتى Instagram پاراقشادا جاريالاندى. وعان سەنسەك، 21 -مامىرعا قاراعان ءتۇنى سامارقاندا ءتارتىپ ساقشىلارى بىرنەشە تۋريستى، ونىڭ ىشىندە قازاقستاننان كەلگەن تۋريستەردى دە ۇستاعان. تۋريستەردىڭ قۇجاتى بولعانىنا قاراماستان، ولاردىڭ جەكە باسىن انىقتاۋ ءۇشىن ەلەكتروشوكەردى قولدانا وتىرىپ، ماجبۇرلەپ ۋچاسكەگە جەتكىزگەن. بۇل رەتتە ءتارتىپ ساقشىلارى سامارقانداعى «كومەندانتتىق ساعاتتى» نەگىزگە الىپ وتىر.

اۆتور: اياۋلىم التىنبەك


جاڭالىقتار