كانەلو گولوۆكينمەن ءۇشىنشى جەكپە- جەكتىڭ جالعىز شارتىن جاريالادى

نۇر- سۇلتان. قازاقپارات - قازاقستاندىق بوكسشى گەننادي گولوۆكيننىڭ پروموۋتەرى ەددي حيرن مەكسيكالىق بوكسشى ساۋل «كانەلو» الۆارەستىڭ وسى ايدىڭ باسىندا دميتري بيۆولدان جەڭىلىپ قالعاننان كەيىن بۇل بوكسشىمەن مۇمكىندىگىنشە تەزىرەك ريەۆانش وتكىزۋگە دايىن ەكەنىن بايانداپ بەردى،

دەپ حابارلايدى قازاقپارات Sports.kz سايتىنا سىلتەمە جاساپ.

باستاپقىدا مەكسيكالىق بوكسشى بيىلعى قىركۇيەكتە گەننادي گولوۆكينمەن ءۇشىنشى جەكپە- جەگىن وتكىزۋدى جوسپارلاعان. ءبىراق رەسەيلىك بوكسشىدان كۇتپەگەن جەڭىلىس بۇعان وزگەرىس ەنگىزدى. الايدا، حيرن كانەلو مەن GGG اراسىنداعى كۇزگى كەزدەسۋ بەلگىلى ءبىر شارتتار ەنگىزىلگەن جاعدايدا ءوتۋى مۇمكىن ەكەنىن جوققا شىعارمايدى.

«كەشە كانەلومەن سويلەستىم. دۇيسەنبى كۇنى ونىمەن ءارى قاراي نە ىستەيتىنىمىزدى تالقىلايمىز. ءبىز ونىڭ قىركۇيەك ايىندا GGG- مەن بىرگە ورتا سالماقتا «ابسوليۋت» اتاعى ءۇشىن تريلوگيالىق نۇسقاسى بار ەكەنىن بىلەمىز. ونى ۇيىمداستىرۋدىڭ جالعىز مۇمكىندىگى وسى عانا شىعار. بۇل جەكپە- جەكتى وتكىزۋىمىز كەرەك، ءبىراق «كانەلو» دميتري بيۆولمەن ريەۆانش كەزدەسۋىن كۇتۋدە. ول GGG- مەن بيۆولمەن جۇدىرىقتاسسا عانا كەزدەسەدى دەپ ويلايمىن. سونىمەن، دۇيسەنبى كۇنى «كانەلومەن» سويلەسىپ، ءبىر اپتادان كەيىن شەشىم قابىلدايمىز. «كانەلو» دميتريمەن ريەۆانش شارتىن ءالى ناقتىلاعان جوق. ءبىز ونىمەن الداعى اپتا جانە دەمالىس كۇندەرى بارلىعىن تالقىلايمىز»، - دەدى حيرن Talksport-قا بەرگەن سۇحباتىندا.

اۆتور: زارينا تۋعانبايەۆا