مينيسترلىك پاسپورتقا نەلىكتەن چيپ جاپسىرىلاتىنىن ءتۇسىندىردى
23 مامىر 12:27

مينيسترلىك پاسپورتقا نەلىكتەن چيپ جاپسىرىلاتىنىن ءتۇسىندىردى

نۇر- سۇلتان. قازاقپارات - ەلىمىزدىڭ كوشى- قون قىزمەتى ءتولقۇجاتتا چيپتىڭ قانداي ماقساتپەن قويىلعانىن ءتۇسىندىردى، دەپ حابارلايدى قازاقپارات ءتىلشىسى.

«كوشى- قون قىزمەتى قازاقستاندىق ءتولقۇجاتتاعى چيپكە قاتىستى تۇسىنىك بەردى. وعان Instagram جەلىسىندە تاراعان ۆيدەو سەبەپ بولدى. بەينەجازبادا پاسپورتتاعى چيپتىڭ ازاماتتاردىڭ ءجۇرىس- تۇرىسىن قاداعالاۋعا ارنالعانى ايتىلادى»، - دەدى ق ر ىشكى ىستەر مينيسترلىگىنىڭ وكىلى شۇعىلا تۇرلىبەك اتالعان ۆەدومستۆودا وتكەن باسپا ءسوز ءماسليحاتىندا.

مينيسترلىك وكىلىنىڭ ايتۋىنشا، ەلەكتروندىق ءتولقۇجات الەمنىڭ كوپتەگەن ەلدەرىندە ەنگىزىلگەن. «قازاقستاندا ءتولقۇجاتتار مەن ميكروسحەماسى بار جەكە كۋالىكتەر 2009 -جىلدان باستاپ شىعارىلادى. ونداعى چيپ ازامات تۋرالى جەكە دەرەكتەردى ساقتاۋعا ارنالعان جانە جەكە تۇلعانى انىقتاۋعا مۇمكىندىك بەرەدى. ءچيپى بار ءتولقۇجات قازاقستان ازاماتتارىنىڭ ەلەكتروندى جۇيەلەرى ارقىلى شەكارا بەكەتىنەن ءوتۋىن جانە پاسپورت- ۆيزالىق باقىلاۋدى جەڭىلدەتۋ ءۇشىن ەنگىزىلگەن»، - دەيدى ول.

سونداي- اق، بريفينگتە ءتولقۇجاتتاعى چيپ ازامات شەكارادان وتكەن كەزدە عانا ارنايى قۇرىلعىنىڭ كومەگىمەن تەكسەرىلەتىنى ايتىلدى.

اۆتور: ءالي يبرايەۆ


جاڭالىقتار