ۆەلوسيپەدپەن ءجۇرۋ راك قاۋپىن ەكى ەسە ازايتادى
23 مامىر 11:03

ۆەلوسيپەدپەن ءجۇرۋ راك قاۋپىن ەكى ەسە ازايتادى

نۇر- سۇلتان. قازاقپارات - عالىمدار ۆەلوسيپەدپەن ءجۇرۋ راك پەن جۇرەك اۋرۋلارى قاۋپىن ەكى ەسە ازايتاتىنىن انىقتادى.

بەس جىلعا سوزىلعان زەرتتەۋگە 250 مىڭ بريتاندىق، ولاردىڭ ىشىندە راك دياگنوزى قويىلعان 3748، جۇرەگى اۋىراتىن 1110 ادام قاتىسقان.

5 جىل ىشىندە ولاردىڭ 2430 ى قايتىس بولعان. زەرتتەۋ ناتيجەسىندە ۆەلوسيپەدپەن ءجۇرۋ ءولىم قاۋپىن راكپەن اۋىراتىنداردا %45 عا، جۇرەگى اۋىراتىنداردا %46 عا ازايتقان. باسقا جاعدايدا بۇل كورسەتكىش %41 دى قۇرايدى. زەرتتەۋگە قاتىسۋشىلار ۆەلوسيپەدپەن اپتاسىنا ورتاشا ەسەپپەن 48 ك م جۇرگەن. ءبىراق كوپ جۇرگەن سايىن، دەنساۋلىق تا جاقسارا بەرگەن. «بۇل زەرتتەۋ ۆەلوسيپەدتىڭ ادام دەنساۋلىعىنا پايداسىن كورسەتتى، دەپ جازادى ەگەمەن قازاقستان گازەتى.سوندىقتان ۆەلوجولداردى كوبەيتۋ كەرەك»، دەيدى زەرتتەۋشى دوكتورلاردىڭ ءبىرى دجەيسون گيلل.

عالىمداردىڭ ايتۋىنشا، اپتاسىنا ورتاشا ەسەپپەن 9-10 ك م جاياۋ ءجۇرۋ جۇرەك اۋرۋلارى قاۋپىن ازايتادى. ءبىراق ماماندار جاياۋ جۇرگەننەن گورى ۆەلوسيپەدتىڭ ءتيىمدى ەكەنىن ايتادى. Cancer Research UK وكىلىنىڭ ايتۋىنشا، ۆەلوسيپەدپەن ءجۇرۋ ارقىلى سپورت زالعا بارماي-اق دەنساۋلىقتى نىعايتۋعا بولادى. تەك ونى كۇندەلىكتى تۇرمىستىڭ ءبىر بولىگىنە اينالدىرۋ كەرەك. مىسالى، جۇمىسقا ۆەلوسيپەدپەن بارىپ كەلۋگە بولادى.


جاڭالىقتار