قىرعىزستاندا قار جاۋىپ، كولىك قوزعالىسى قيىندادى
بۇل تۋرالى ەلدىڭ كولىك جانە كوممۋنيكاتسيا مينيسترلىگىنىڭ باسپا ءسوز قىزمەتى ەسكەرتتى، دەپ حابارلايدى قازاقپارات كابار اگەنتتىگىنە سىلتەمە جاساپ.
«بىشكەك- وش- توو- اشۋۋ، الا- بەل، كوك- بەل، سونداي- اق وتموك اۆتوجولدارىنىڭ بيىك اسۋدان وتەتىن تۇستارىندا، تالاس- تاراز- سۋۋسامىر جانە باسقا دا تاسجولداردا قار جاۋىپ جاتىر، تيىسىنشە قار ءۇيىندىسى پايدا بولدى»، - دەلىنگەن حابارلامادا.
كولىك مينيسترلىگىنىڭ جول پايدالانۋ مەكەمەسى قىزمەتكەرلەرى جولداردىڭ جوعارىدا اتالعان ۋچاسكەلەرىنە تايىپ كەتۋدەن قورعايتىن ينەرتتى ماتەريالداردى سەۋىپ جاتىر.
«قالىپتاسقان جاعدايدى ەسكەرە وتىرىپ، جاساندى كەپتەلىس تۋدىرماس ءۇشىن جۇرگىزۋشىلەرگە قىسقى دوڭگەلەگى بار كولىكتەرمەن اسۋلارعا شىقپاۋعا كەڭەس بەرەمىز. سونداي- اق، جول- كولىك وقيعالارىنىڭ الدىن الۋ ماقساتىندا اۆتوجولدارداعى ءتيىستى جىلدامدىق رەجيمىن ساقتاۋ قاجەت»، - دەپ اتاپ ءوتتى ۆەدومستۆو.
اۆتور: اياۋلىم التىنبەك