قيراندىنىڭ استىنان كوك تۋدى الىپ شىققان جىگىتتەردىڭ ارەكەتى جۇرتتى ءسۇيسىنتتى
23 مامىر 07:55

قيراندىنىڭ استىنان كوك تۋدى الىپ شىققان جىگىتتەردىڭ ارەكەتى جۇرتتى ءسۇيسىنتتى

نۇر- سۇلتان. قازاقپارات - الەۋمەتتىك جەلىدە قيراندىنىڭ استىنان قازاقستاننىڭ كوك تۋىن الىپ شىققان جىگىتتەردىڭ ارەكەتى تاراپ، كوپشىلىكتىڭ تالقىسىنا ءتۇسىپ جاتىر. وقيعا شىمكەنت قالاسىنداعى ستاديوندا بولعان.

ايتا كەتەيىك، «ورداباسى» مەن «اقسۋ» فۋتبول كلۋبتارىنىڭ اراسىنداعى ويىندا الاڭنىڭ شاتىرى قۇلاعان ەدى. قيراندىنىڭ استىندا ەلىمىزدىڭ كوك تۋى دا قالىپ قويعان.

ۆيدەو Instagram الەۋمەتتىك جەلىسىندەگى alash_ulandary توبىندا جاريالاندى. كادردان قيراندىنىڭ استىنان ەلىمىزدىڭ كوك بايراعىن الىپ شىققان جىگىتتەردىڭ ارەكەتىن كورۋگە بولادى. بۇنى كورگەن وقىرماندار ەر ازاماتتاردىڭ ەرلىگىن جوعارى باعالادى. «جارايسىڭدار»، «ناعىز باتىر سىزدەردەي- اق بولسىن»، «نامىسى بار جىگىتتەر ەكەن»، «باسىن قاتەرگە تىككەن ەر ازاماتتارعا العىستان باسقا ايتارىم جوق»، - دەدى ولار.

ەسكە سالا كەتەيىك، 21 - مامىردا شىمكەنتتە جەرگىلىكتى «ورداباسى» مەن پاۆلودارلىق «اقسۋ» فۋتبول كلۋبتارىنىڭ اراسىنداعى ماتچ كەزىندە ستاديوننىڭ شاتىرى قۇلاعان ەدى. وقىس جاعدايدان ەشكىم زارداپ شەكپەدى. اۋا رايىنىڭ قولايسىزدىعىنا بايلانىستى قوس ۇجىم اراسىنداعى كەزدەسۋ كەيىنگە شەگەرىلدى.

https://kaz.nur.kz


جاڭالىقتار