جانىبەك ءالىمحان ۇلى ەكىنشى راۋندتا قارسىلاسىن نوكاۋتقا ءتۇسىردى
22 مامىر 08:26

جانىبەك ءالىمحان ۇلى ەكىنشى راۋندتا قارسىلاسىن نوكاۋتقا ءتۇسىردى

نۇر- سۇلتان. قازاقپارات - قازاقستاندىق بوكسشى جانىبەك ءالىمحان ۇلى (11-0، 7 ك و) WBO نۇسقاسى بويىنشا ورتا سالماقتا «ۋاقىتشا» چەمپيون اتاعى ءۇشىن كەزدەسۋ وتكىزدى، دەپ حابارلايدى قازاقپارات Sports.kz. سايتىنا سىلتەمە جاساپ.

جانىبەك لاس- ۆەگاستا (ا ق ش) بريتانيالىق دەنني ديگنۋمعا (14-0-1، 8 ك و) قارسى شىقتى. جەكپە- جەك 12 راۋندقا ەسەپتەلگەن بولاتىن. ءبىرىنشى راۋندتا نوكداۋنعا تۇسكەن جانىبەك ەكىنشى راۋندتا قارسىلاسىن نوكاۋتقا ءتۇسىرىپ، جەڭىسكە جەتتى. وسىلايشا، جانىبەك ءالىمحان ۇلى كاسىبي بوكستا ءوزىنىڭ 12- جەڭىسىنە قول جەتكىزدى جانە كاسىبي بوكستا WBO نۇسقاسى بويىنشا ورتا سالماقتا «ۋاقىتشا» چەمپيون اتاندى.

بريتانيالىق بوكسشى ءۇشىن بۇل كاسىبي بوكستاعى العاشقى جەڭىلىس. ايتا كەتەيىك، WBO نۇسقاسى بويىنشا ناعىز الەم چەمپيونى امەريكالىق بوكسشى دەمەتريۋس اندرادە (31-0، 19 ك و) .


جاڭالىقتار