دەپۋتات قايرات قۇدايبەرگەندى قاماۋ مەرزىمى ەكى ايعا ۇزارتىلدى
20 مامىر 21:17

دەپۋتات قايرات قۇدايبەرگەندى قاماۋ مەرزىمى ەكى ايعا ۇزارتىلدى

الماتى. قازاقپارات - الماتى قالالىق ءماسليحاتىنىڭ دەپۋتاتى قايرات قۇدايبەرگەندى قاماۋ مەرزىمى ەكى ايعا ۇزارتىلدى، دەپ حابارلايدى قازاقپارات ءتىلشىسى.

بۇل تۋرالى الماتى قالالىق سوتىنىڭ باسپا ءسوز قىزمەتى ءمالىم ەتتى.

«سوت قاۋلىسىمەن تەرگەۋ ورگاندارىنىڭ ءوتىنىشى قاناعاتتاندىرىلدى. كۇدىكتىگە 2 اي مەرزىمىنە قاماۋدا ۇستاۋ بۇلتارتپاۋ شاراسى سانكتسيالاندى. قاماۋ مەرزىمى - 2022 -جىلدىڭ 21-ماۋسىمىنا دەيىن»، - دەپ حابارلادى الماتى سوتىنىڭ باسپا ءسوز قىزمەتى.

بۇعان دەيىن قايرات قۇدايبەرگەنگە قاتىستى ارەكەتتى سارالاۋ تۋرالى قاۋلى شىققانعا دەيىن ونى 30 تاۋلىك مەرزىمگە كۇزەتپەن ۇستاۋ تۇرىندەگى بۇلتارتپاۋ شاراسىنا سانكسيا بەرىلگەن ەدى.

ەسكە سالا كەتەيىك، ق ر باس پروكۋراتۋراسى الماتى قالاسى ءماسليحاتىنىڭ دەپۋتاتى قايرات قۇدايبەرگەننىڭ قاڭتار وقيعاسىنىڭ ءىسى بويىنشا ۇستالعانىن راستادى.

قايرات قۇدايبەرگەن ديكي ارمانمەن بىرگە ادام جيناۋدى ۇيىمداستىرعان.

7-قاڭتاردا الماتىدا پوليتسەيلەر «ديكي ارمان» لاقاپ اتىمەن تانىمال قىلمىس الەمىنىڭ سەركەسى ارمان جۇماگەلديەۆتى ۇستادى.

كەيىن ق ر باس پروكۋراتۋراسى ارنايى پروكۋرورلار قىزمەتىنىڭ باستىعى ريزابەك وجاروۆ «ديكي ارمان» توبى 24 بەيبىت تۇرعىندى ۇرلاپ، كۇشتەپ ۇستاعانىن ايتتى.

اۆتور الما مۇقانوۆا


جاڭالىقتار