اۋرۋحاناعا تۇسكەن مۇحامەدي ۇلىنىڭ جاعدايى بەلگىلى بولدى
20 مامىر 19:03

اۋرۋحاناعا تۇسكەن مۇحامەدي ۇلىنىڭ جاعدايى بەلگىلى بولدى

نۇر-سۇلتان. قازاقپارات - اۋرۋحاناعا تۇسكەن بۇرىنعى مادەنيەت ءمينيسترى ارىستانبەك مۇحامەدي ۇلىنىڭ جاعدايى تۋرالى ايدار قىرىقباي مالىمدەمە جاسادى.

«وپەراتسيا ءساتتى ءوتتى، ءبىر جارىم كۇن جانساقتاۋ بولىمىندە بولدى. قازىر پالاتاعا اۋىستى. ءبىراق جاعدايى ورتاشا اۋىر. ويتكەنى مورالدىق قىسىم بولدى. اقىرىنداپ ەسىن جيدى، تۋىستارىنىڭ عانا كورۋىنە رۇقسات ەتىلگەن»، - دەيدى ول.

مۋزەيدىڭ رەسمي وكىلى مۇراجاي اكىمشىلىگى ولاردىڭ تالاپتارىن اپەللياتسياعا بەرەتىنى تۋرالى ايتتى. 100 ادامنان تۇراتىن توپ قول قويىپ، پرەزيدەنت اپپاراتىنا «انتيكور» تاراپىنان زاڭسىزدىق ورىن الىپ جاتقانى تۋرالى حات جولداعان.

«ولار بارلىق قۇجاتتارعا ءمان بەرمەيدى. «انتيكور» كومپانياسى ۆيترينالار، اۋا تازارتقىشتار، ءبارى بار ما دەگەن سۇراق قويادى. ءبىز قازاقستاندىق جانە حالىقارالىق ساراپشىلارعا جۇگىندىك. انتيكوردىڭ شەشىمىنە شاعىمدانامىز»، - دەيدى ول.



جاڭالىقتار