جەڭىلدەتىلگەن اۆتونەسيەمەن اينالىساتىن قور باسەكە شارتتارىن بۇزدى دەپ ايىپتالدى

نۇر- سۇلتان. قازاقپارات - باسەكەلەستىكتى قورعاۋ جانە دامىتۋ اگەنتتىگىنە «ەۆرازيا» س ك» ا ق ساقتاندىرۋ كومپانياسىنان شاعىم تۇسكەن.

وندا «ونەركاسىپتى دامىتۋ قورى» ا ق- نىڭ باسەكەنى شەكتەيتىن ارەكەتتەرى تۋرالى ايتىلعان. وسىعان بايلانىستى اگەنتتىك اتالعان ارەكەتتەردى توقتاتۋ جونىندە ەسكەرتۋ جاسادى، دەپ حابارلايدى قازاقپارات.

قور ليزينگ الۋشىمەن جاساساتىن شارتتىڭ تالاپتارىنا سايكەس ليزينگ زاتتارىنىڭ جانە/نەمەسە كەپىل زاتتارىنىڭ ءاربىر ساناتىنا قاتىستى ساقتاندىرۋ قاجەتتىگىمەن بايلانىستى تاۋەكەلدەردى سايكەستەندىرەدى.

2021 -جىلعى قاڭتاردا قور ساقتاندىرۋ كومپانيالارىنىڭ پۋلىن قۇردى.

وعان «حالىق» ساقتاندىرۋ كومپانياسى» قازاقستان حالىق بانكىنىڭ ەنشىلەس ۇيىمى» ا ق، «نوماد ينشۋرانس» س ك» ا ق، «قازاقمىس» س ك» ا ق، «SINOASIA BR» س ك (سينوازيا بيەندار) ا ق جانە «ۆيكتوريا» س ك» ا ق كىردى.

وتىنىشپەن جۇمىس ىستەۋ شەڭبەرىندە بقدا ليزينگ شارتىن جاساسۋ كەزىندە قور ليزينگ الۋشىلارعا پۋلعا قاتىسۋشى كومپانيالارمەن ليزينگ نىساناسىن ساقتاندىرۋ شارتتارىن جاساسۋعا كەڭەس بەرگەنىن انىقتادى.

قوردىڭ مۇنداي ارەكەتتەرى ساقتاندىرۋ نارىعىنداعى باسەكەنى شەكتەيدى، سەبەبى ولار پۋلعا قاتىسۋشىلارعا نەگىزسىز ارتىقشىلىقتار بەرەدى.

«مونوپولياعا قارسى ورگاننىڭ ەسكەرتۋى الىنعان ساتتەن باستاپ كۇنتىزبەلىك 30 كۇن ىشىندە ورىندالۋعا ءتيىس. بەلگىلەگەن مەرزىمدە ورىندالماعان جاعدايدا، كاسىپكەرلىك كودەكستىڭ نورمالارىنا سايكەس تەرگەۋ جۇرگىزىلەدى» دەپ ءمالىم ەتتى اگەنتتىك.