قازاقستان ۋنيۆەرسيتەتتەرى جۇمىس بەرۋشىلەرمەن ىنتىماقتاستىقتى نىعايتىپ جاتىر
20 مامىر 17:20

قازاقستان ۋنيۆەرسيتەتتەرى جۇمىس بەرۋشىلەرمەن ىنتىماقتاستىقتى نىعايتىپ جاتىر

نۇر- سۇلتان. قازاقپارات - قازاقستاندىق جوعارى وقۋ ورىندارى جۇمىس بەرۋشىلەرمەن ىنتىماقتاستىقتى نىعايتىپ جاتىر.

سونداي- اق ۋنيۆەرسيتەتتەر ەڭبەك نارىعىنىڭ سۇرانىسىنا قاراي ءبىلىم باعدارلامالارىن ازىرلەيدى، دەپ حابارلايدى قازاقپارات.

قازىر ستۋدەنتتەر وندىرىستىك تاجىريبەدەن ءوتىپ، وقۋدى اياقتاعان سوڭ ەلىمىزدىڭ جەتەكشى كومپانيالارى مەن كاسىپورىندارىنا جۇمىسقا ورنالاسىپ جاتىر. ۋنيۆەرسيتەتتەر «ارسەلور ميتتال تەمىرتاۋ»، «قازترانسويل»، «ماڭعىستاۋمۇنايگاز ، «جايرەم تاۋ- كەن بايىتۋ كومبيناتى»، پارحومەنكو اتىنداعى قاراعاندى ماشينا جاساۋ زاۋىتى، «سوكولوۆ- سارىباي تاۋ- كەن بايىتۋ وندىرىستىك بىرلەستىگى»، «قازاقستان عارىش ساپارى» ۇ ك»، «Kaspi bank»، «سامۇرىق- قازىنا» ۇلتتىق ءال- اۋقات قورى» جانە باسقا دا كومپانيالارمەن كەلىسىمشارتتار مەن ىنتىماقتاستىق تۋرالى مەموراندۋمدارعا قول قويدى.

مىسالى، ل. ن. گۋميليەۆ اتىنداعى ەۋرازيا ۇلتتىق ۋنيۆەرسيتەتى «سامۇرىق- قازىنا» ا ق، «ۇلتتىق عارىشتىق زەرتتەۋلەر جانە تەحنولوگيالار ورتالىعى» ا ق، «ۇلتتىق اقپاراتتىق تەحنولوگيالار» ا ق، «قازاقستان عارىش ساپارى» ۇ ك» ا ق، «ەلەكتروندى قارجى ورتالىعى» ا ق، قازاقستان مۇناي- گاز- ەنەرگەتيكا كەشەنى ۇيىمدارىنىڭ قاۋىمداستىعى، «قازاتومونەركاسىپ» ۇلتتىق اتوم كومپانياسى» ا ق، «ۇلتتىق بيوتەحنولوگيا ورتالىعى» ر م ك، «قازگەودەزيا» ر م ك، «قازگيدرومەت» ر م ك جانە باسقا كەلىسىمگە كەلدى.

ە ۇ ۋ- دە ءبىلىم ساپاسىن ارتتىرۋعا، كادرلاردى دايارلاۋعا، ستۋدەنتتەردىڭ وندىرىستىك پراكتيكادان وتۋىنە جانە تۇلەكتەردىڭ جۇمىسقا ورنالاسۋىنا جاردەمدەسەتىن جۇمىس بەرۋشىلەر كەڭەسى جۇمىس ىستەيدى. جۇمىس بەرۋشىلەر ءبىلىم باعدارلامالارىن ازىرلەۋگە جانە ساراپتاۋعا دا قاتىسادى. جوو ستۋدەنتتەرى مەن تۇلەكتەرى ءۇشىن جۇمىس بەرۋشىلەر بوس ورىندار جارمەڭكەسىن، كونفەرەنتسيالار، كورمەلەر، كاسىپورىنداردا ەكسكۋرسيالار، سەمينارلار، شەبەرلىك ساباقتارىن وتكىزەدى. جۇمىسقا ورنالاسۋ بويىنشا ەڭ جوعارى كورسەتكىشتەر - تورايعىروۆ ۋنيۆەرسيتەتى تۇلەكتەرىندە شامامەن %98.

ۋنيۆەرسيتەت وبلىستاعى ءىرى كاسىپورىندارمەن 270 ىنتىماقتاستىق كەلىسىمشارتىن جاساسقان. ولاردىڭ ىشىندە «قازاقستان ءاليۋمينيى» اق، «ەRG Service « ا ق، اقسۋ فەرروقورىتپا زاۋىتى، قازاقستان ەلەكتروليز زاۋىتى، پاۆلودار مۇناي- حيميا زاۋىتى، ەكىباستۇز گرەس-1 جانە ت. ب. بار. تورايعىروۆ اتىنداعى ۋنيۆەرسيتەتتىڭ ستۋدەنتتەرى ءبىرىنشى كۋرستان باستاپ وبلىس كاسىپورىندارىندا دۋالدى وقىتۋدان وتەدى، سونىمەن قاتار جۇمىس بەرۋشىلەردەن اقىلى تاعىلىمدامادان جانە تاجىريبەدەن وتەدى.

«قازىر ۋنيۆەرسيتەتتەر ءبىلىم بەرۋ باعدارلامالارىن ازىرلەپ، كادرلاردى تارتۋ كەزىندە جۇمىس بەرۋشىلەردىڭ سۇرانىستارىنا نازار اۋدارادى. ءبىرقاتار وتاندىق جوعارى وقۋ ورنىندا مانساپ جانە كاسىبي دامۋ ورتالىقتارى جۇمىس ىستەيدى. ولار جۇمىس بەرۋشىلەرمەن بىرلەسە وتىرىپ، بوس جۇمىس ورىندارى جارمەڭكەلەرىن، پرەزەنتاتسيالار ۇيىمداستىرادى، ستۋدەنتتەر مەن تۇلەكتەرگە جۇمىسقا ورنالاسۋ مۇمكىندىكتەرى مەن كاسىبي تاجىريبەدەن ءوتۋ تۋرالى اقپارات بەرەدى. وسىلايشا مانساپ ورتالىقتارى تۇلەكتەرگە جۇمىسقا ورنالاسۋعا جانە كاسىبي الەۋەتىن ىسكە اسىرۋعا كومەكتەسەدى. 2021 -جىلى ۋنيۆەرسيتەتتەر 100 دەن استام بوس جۇمىس ورىندارى جارمەڭكەسى، 200 گە جۋىق كەزدەسۋ وتكىزدى. ولارعا 115 مىڭعا جۋىق ۋنيۆەرسيتەت ستۋدەنتتەرى، سونداي- اق 2 800-دەن استام مەكەمە، كاسىپورىندار مەن كومپانيالاردىڭ وكىلى قاتىستى»، - دەپ ءتۇسىندىردى ق ر ب ع م جوعارى جانە جوعارى وقۋ ورنىنان كەيىنگى ءبىلىم دەپارتامەنتىنىڭ ديرەكتورى ادىلەت تويبايەۆ.

جاڭالىقتار