بارلىق وڭىردە جاستارعا ارنالعان تۇرعىن ءۇي باعدارلاماسى ىسكە قوسىلادى

نۇر- سۇلتان. قازاقپارات - بارلىق وڭىردە اكىمدىكتەرىمەن بىرلەسكەن «وتباسى بانكىنىڭ» جەڭىلدەتىلگەن يپوتەكا باعدارلاماسىن ىسكە قوسۋ جوسپارلانىپ وتىر.

بۇل تۋرالى سەناتتاعى جاستاردى قولداۋ تاقىرىبىنا ارنالعان پارلامەنتتىك تىڭداۋدا پرەمەر- ءمينيستردىڭ ورىنباسارى ەرالى توعجانوۆ ءمالىم ەتتى، دەپ حابارلايدى قازاقپارات ءتىلشىسى.

«2025 -جىلعا دەيىن بارلىق وڭىردە اكىمدىكتەرمەن بىرلەسكەن «وتباسى بانكىنىڭ» جەڭىلدەتىلگەن يپوتەكا باعدارلاماسىن ىسكە قوسۋ جوسپارلانىپ وتىر. قازىرگى كەزدە جاستارعا ارنالعان وڭىرلىك تۇرعىن ءۇي باعدارلامالارى 3 وڭىردە، ياعني نۇر- سۇلتان، الماتى جانە شىمكەنت قالالارىندا جۇزەگە اسىرىلىپ جاتىر. ەندى جىل سوڭىنا دەيىن باسقا دا وڭىرلەردە وسى تەكتەس باعدارلامانى ىسكە قوسۋ قاراستىرىلىپ وتىر»، - دەدى ە. توعجانوۆ.

ونىڭ ايتۋىنشا، 2019 -جىلدان بەرى جۇمىس ىستەيتىن جاستارعا 7 مىڭ جالعا بەرىلەتىن (نۇر- سۇلتان، الماتى جانە شىمكەنت) باسپانا ۇسىنىلدى. 2025 -جىلعا دەيىن جۇمىس ىستەيتىن جاستارعا 12 مىڭ پاتەردى ۇسىنۋ جوسپارلانىپ وتىر. جىل سوڭىنا دەيىن جالدامالى تۇرعىن ءۇي بەرۋ قاعيدالارىنا جاستاردىڭ ايلىق تابىسىن راستاۋ تالاپتارىن 40 ا ە ك- تەن 25 ا ە ك- كە دەيىن تومەندەتۋ بولىگىندە وزگەرىستەر ەنگىزىلەدى. بۇل جاستاردىڭ جالعا بەرىلەتىن باسپانا الۋ مۇمكىندىكتەرىن ايتارلىقتاي كەڭەيتەدى.

«قازىرگى كەزدە «وتباسى بانكىنىڭ» جيناقتاۋشى باسپانا دەپوزيتتەرىندە 250 ميلليارد تەڭگەدەن استام سوماعا جاستاردىڭ (29 جاسقا دەيىنگى) 500 مىڭنان اسا دەپوزيتى اشىلدى. 2025 -جىلعا قاراي جاستاردىڭ باسپانا جيناقتارىنىڭ كولەمىن 800 مىڭ دەپوزيتكە دەيىن جەتكىزۋ جوسپارلانىپ وتىر. ول ءۇشىن جاستار اراسىندا باسپاناعا الۋعا جيناق اشۋ مادەنيەتىن قالىپتاستىرۋ باعىتىندا جۇمىستار جۇرگىزىلىپ جاتىر. تۇرعىن ءۇي سالىمىن جيناقتاۋدىڭ ماڭىزىن ءبىزدىڭ جاستارىمىز ءتۇسىنۋى قاجەت. ءاربىر وتباسىنىڭ بەرەكەسى شاڭىراقتان باستالادى. ول ءۇشىن تىنىمسىز ەڭبەك پەن ۇقىپتى قارجى جيناقتاۋ مادەنيەتىنىڭ ماڭىزى ەرەكشە ۇلكەن»، - دەدى ول.

بۇدان بۇرىن حابارلانعانداي، سەنات ءتوراعاسى م. اشىمبايەۆ بارلىق رەفورمانىڭ تۇپكى ماقساتى دا جاستاردىڭ ءال- اۋقاتىن ارتتىرۋعا ءارى ولاردىڭ دامۋىنا جاعداي جاساۋعا ارنالعانىن اتاپ ءوتتى.

سونىمەن قاتار ول ۋنيۆەرسيتەت بىتىرگەن تۇلەكتەرگە ەڭبەك نارىعىندا سۇرانىس جوق ەكەنىن ايتتى.

سەناتور نۇرتورە ءجۇسىپ ەلدەگى ج و و مەن كوللەدجدەردى بىتىرگەن، ءبىر ەمەس، قولدارىندا بىرنەشە ديپلومى بار جاستار ەڭبەك نارىعىنىڭ سۇرانىسىن قاناعاتتاندىرا الماي وتىرعانىن جەتكىزدى .

اۆتور رۋسلان عابباسوۆ