جانىبەك ءالىمحان ۇلى مەن دەنني ديگنۋم جەكپە- جەك الدىندا كەزدەستى

نۇر- سۇلتان. قازاقپارات - قازاقستاندىق كاسىپقوي بوكسشى جانىبەك ءالىمحان ۇلى بريتاندىق دەنني ديگنۋممەن WBO نۇسقاسى بويىنشا ورتا سالماقتاعى «ۋاقىتشا» الەم چەمپيونى اتاعى ءۇشىن جۇدىرىقتاسۋ الدىندا كەزدەسىپ، كوز ءتۇيىستىردى، دەپ حابارلايدى قازاقپارات ءتىلشىسى.

بوكسشىلار وتكەن تۇندە جۋرناليستەرگە ارنالعان باسپا ءسوز ءماسليحاتىن وتكىزدى. وندا ولاردىڭ الداعى جەكپە- جەككە دايىندىق بارىسى تۋرالى جان- جاقتى ايتىلدى.

ايتا كەتسەك، جانىبەك ءالىمحان ۇلى مەن دەنني ديگنۋم جەكپە- جەگى لاس- ۆەگاستا 22- مامىردا ساعات 8:00-دە باستالادى. ول «حابار» تەلەارناسىنان تىكەلەي ەفيردە كورسەتىلەدى. جانىبەك ءالىمحان ۇلى 1993 -جىلى 1- ساۋىردە دۇنيەگە كەلگەن. اۋەسقوي بوكستا 2013 -جىلعى الەم جانە ازيا بىرىنشىلىكتەرىندە چەمپيون اتاندى. 2014 -جىلى ازيا ويىندارىندا جەڭىس تۇعىرىنا كوتەرىلدى. كاسىپقوي بوكستا 2016 -جىلدان بەرى سىنعا ءتۇسىپ كەلەدى. بۇعان دەيىن 11 جەكپە- جەگىنىڭ بارلىعىندا قارسىلاستارىن قاپى قالدىردى. ولاردىڭ 7 نوكاۋتپەن اياقتالعان.

اۆتور: ءادىلجان ۇمبەت