سىرتقى ىستەر ءمينيسترى مۇحتار تىلەۋبەردى ۆاشينگتونعا ەكى كۇندىك ساپارمەن باردى
ءبىرىنشى كۇنى اق ۇيدە، ا ق ش كونگرەسىندە، ساۋدا مينيسترلىگىندە، سونداي- اق ىسكەر توپتار وكىلدەرىمەن كەزدەسۋلەر ءوتتى. ا ق ش پرەزيدەنتىنىڭ ىشكى قاۋىپسىزدىك جونىندەگى كەڭەسشىسى - پرەزيدەنتتىڭ ۇلتتىق قاۋىپسىزدىك جونىندەگى كەڭەسشىسىنىڭ ورىنباسارى ەليزابەت شەرۆۋد- رەندالل جانە ا ق ش پرەزيدەنتىنىڭ ۇلتتىق قاۋىپسىزدىك جونىندەگى كەڭەسشىسىنىڭ ءبىرىنشى ورىنباسارى دجوناتان فاينەرمەن كەلىسسوزدەر بارىسىندا تاراپتار ەكى ەل اراسىنداعى قاتىناستاردىڭ ستراتەگيالىق سيپاتىن راستادى، سونىمەن قاتار حالىقارالىق كۇن ءتارتىبىنىڭ وزەكتى اسپەكتىلەرى بويىنشا «ساعاتتاردى تەڭەستىردى».
كونگرەستە ا ق ش سەناتىنىڭ حالىقارالىق قاتىناستار كوميتەتى ءتوراعاسىنىڭ ورىنباسارى دجەيمس ريش جانە ا ق ش وكىلدەر پالاتاسىنىڭ مۇشەلەرىمەن كەزدەسۋلەر بارىسىندا پارلامەنتارالىق ىنتىماقتاستىقتى نىعايتۋ ماسەلەلەرى تالقىلاندى.
اڭگىمەلەسۋ بارىسىندا مينيستر م. تىلەۋبەردى «جاڭا قازاقستاندى» قۇرۋدىڭ ساياسي نەگىزىنە اينالاتىن ق ر كونستيتۋتسيالىق رەفورماسى بويىنشا الداعى جالپى ۇلتتىق رەفەرەندۋمعا ەرەكشە نازار اۋداردى. امەريكالىق تاراپ مەملەكەت باسشىسىنىڭ رەفورمالارىنا بەرىك قولداۋ ءبىلدىرىپ، ولاردىڭ ىسكە اسىرىلۋى قازاقستاننىڭ ساياسي جاڭعىرۋىنا ىقپال ەتەتىنىن اتاپ ءوتتى.
ساۋدا- ينۆەستيتسيالىق ءوزارا ءىس- قيمىل قازاقستاننىڭ ا ق ش- پەن ەكىجاقتى ىنتىماقتاستىقتىڭ ماڭىزدى ەلەمەنتى. وسىعان بايلانىستى ساۋدا ءمينيسترىنىڭ ورىنباسارى ماريسا لاگومەن كەلىسسوزدەر جۇرگىزىلدى. ساۋدا بايلانىستارىن كەڭەيتۋگە جانە ميسسيالارمەن الماسۋعا ەرەكشە نازار اۋدارىلدى. تاراپتار سانكتسيالىق شەكتەۋلەر جاعدايىندا قارجى، اۋىل شارۋاشىلىعى، كولىك باعىتتارىن ءارتاراپتاندىرۋ سالاسىنداعى ىنتىماقتاستىقتى ىلگەرىلەتۋگە ۋاعدالاستى.
سول كۇنى «ا ق ش ەتنيكالىق ءوزارا تۇسىنىستىك قورىنىڭ» پرەزيدەنتى راۆۆين مارك شنايەرمەن كەزدەسۋ ءوتتى، ول قازاقستاننىڭ ازاماتتىق قوعام تۇراقتىلىعىنىڭ ماڭىزدى فاكتورلارىنىڭ ءبىرى بولىپ تابىلاتىن كونفەسسياارالىق جانە ەتنوسارالىق كەلىسىمدى نىعايتۋداعى كۇش- جىگەرىن جوعارى باعالادى. راۆۆين م. شنايەر اعىمداعى جىلدىڭ قىركۇيەك ايىنا جوسپارلانعان الەمدىك جانە ءداستۇرلى دىندەر ليدەرلەرىنىڭ VII سەزىنە قاتىساتىنىن راستادى.
ساپار بارىسىندا قازاقستاندىق دەلەگاتسيا «Boeing», «Valmont Industries», «Honeywell», «Pfizer» جانە «Champion Foods» كومپانيالارىنىڭ باسشىلىعىمەن كەزدەسۋلەر وتكىزدى. قازاقستاندا ينۆەستيتسيالىق جوبالاردى ىسكە اسىرۋ پەرسپەكتيۆالارى تالقىلاندى. امەريكا قۇراما شتاتتارى. امەريكا قۇراما شتاتتارى جالپى ينۆەستيتسيا كولەمى 55 ميلليارد ا ق ش دوللارىنان اساتىن قازاقستان ەكونوميكاسىنداعى ءىرى شەتەلدىك ينۆەستورلاردىڭ ءبىرى.