كورەرمەندەر ورىس فيلمدەرىنە بارمايدى: سالادا داعدارىس بولۋى مۇمكىن
ءساۋىردىڭ ءبىرىنشى جارتىسىندا بيلەت ساتىلىمى ەكى ەسە ازايدى. ال الداعى ەكى ايدا تابىسى %80 - كە قىسقارۋى مۇمكىن.
داۆيد شنەيدەروۆ، كينوجۋرناليست:
- كينوتەاترلار، اسىرەسە كوپزالدى كينوتەاترلار وتە قيىن جاعدايعا ءتۇستى. ويتكەنى كورسەتەتىن فيلمدەرى جوق. بۇرىنعىداي كورەرمەندەر ورىس فيلمدەرىنە بارمايدى.
جىل باسىنان بەرى رەسەيلىك 90 فيلم شىققان. بۇل شەتەلدىك فيلمدەردەن ەكى ەسە از. ال جاقىن ارادا شىعاتىن كينوعا سۇرانىس ودان ءارى تومەندەيتىن ءتۇرى بار.
انتون سيۆەرس، رەجيسسەر:
- مۋلتيپلەكس كينوتەاترىنىڭ بارلىق زالدارى بوس ەكەنىن كوردىم. ءبىزدىڭ فيلمگە كورەرمەن كەلەر- كەلمەسى تۇسىنىكسىز، ويتكەنى ولار جارنامانى كورە المايدى. ماسەلەن بۇرىن جۇرت كينوعا بارىپ، جارنامانى كورەتىن. وسىدان كەيىن كەلەسى فيلمگە دە باراتىن. ال قازىر بۇل تىزبەك ءۇزىلۋى مۇمكىن.
دەگەنمەن پروديۋسەرلەردىڭ كەيبىرەۋى شەتەل فيلمدەرىمەن باسەكە بولماعاندىقتان جەرگلىكتى كينووندىرىس ءۇشىن قولايلى كەز كەلدى دەپ سانايدى. الايدا بۇل ساپاسىنا بايلانىستى بولاتىنىن مويىندايدى. ازىرشە رەسەيلىك فيلمدەردىڭ جالپى تابىستاعى ۇلەسى 30 پروتسەنت توڭىرەگىندە.
شاميل دجافاروۆ، كينوپروديۋسەر:
- قازىر جاعداي قولايلى، ءبىراق بۇل ءبىز ۇسىناتىن ءونىمنىڭ ساپاسىنا بايلانىستى بولماق. كوپتى كورگەن رەسەيلىك كورەرمەن كينو ۇناماسا، وعان بارمايدى. دەگەنمەن پاندەميا كەزىندە دە امان قالدىق قوي. ءيا، قازىر ءونىمنىڭ ءبىر بولىگى نارىقتان كەتتى، ونى اۋىستىرۋ ءۇشىن ۋاقىت قاجەت.
كينوتەاترلار جۇيەلەرى التى جارىم ميلليارد رۋبل مولشەرىندە ۇكىمەتتەن جاردەم سۇرادى. الايدا بيلىك سالانى قولداۋدان باس تارتتى. پاندەميا كەزىندە ۇكىمەت وعان 4 ميلليارد رۋبل مولشەرىندە سۋبسيديا بولگەن بولاتىن. بۇل جولى تىكەلەي قارجىلىق كومەك بەرۋ جوسپارىندا جوق. پروديۋسەرلەردىڭ پىكىرىنشە، ەندى ءوندىرىس كينوتەاترلارعا ەمەس، ستريمينگ قىزمەتتەرىنە سۇيەنەتىن ءتۇرى بار. ەندى نەگىزىنەن ولار كونتەكتە تاپسىرىس جاسايدى.