قاي ەلدەردىڭ ازاماتتارى قازاقستاندا كاسىپكەرلىكپەن اينالىسا الادى

نۇر- سۇلتان. قازاقپارات - قازاقستان رەسپۋبليكاسىندا تۇرۋعا ىقتيارحاتى بار رەسەي فەدەراتسياسى، تاجىكستان، قىرعىزستان، بەلارۋس، ارمەنيا ەلدەرىنىڭ ازاماتتارى ەلىمىزدە كاسىپكەرلىك قىزمەتتى جۇزەگە اسىرا الادى.

بۇل تۋرالى ق ر ق م مەملەكەتتىك كىرىستەر كوميتەتىندە حابارلادى. 2017 -جىلعى 1- قاڭتاردان باستاپ دارا كاسىپكەر رەتىندە تىركەۋ ەسەبىنە قويۋ حابارلاما جىبەرۋ تارتىبىنە اۋىستىرىلدى. ياعني، جەكە تۇلعا دارا كاسىپكەر رەتىندە تىركەلۋ ءۇشىن مەملەكەتتىك كىرىس ورگانىنا دارا كاسىپكەر رەتىندە قىزمەتىنىڭ باستالعانى تۋرالى حابارلاما ۇسىنادى. قىزمەتتىڭ باستالعانى تۋرالى حابارلامانى egov.kz پورتالى، «e-Salyq business» موبيلدى قوسىمشاسى، ەكىنشى دەڭگەيدەگى بانكتەردىڭ موبيلدى قوسىمشالارى ارقىلى جىبەرۋگە بولادى.

سونداي- اق مەملەكەتتىك كىرىستەر ورگاندارىنىڭ قىزمەت كورسەتۋ ورتالىقتارىندا قاعاز تۇرىندە حابارلاما بەرۋگە بولادى. تىركەۋ حابارلاما بەرىلگەن ساتتەن باستاپ ءبىر جۇمىس كۇنى ىشىندە جۇزەگە اسىرىلادى. دارا كاسىپكەر رەتىندە تىركەلگەنى تۋرالى اقپاراتتى www.kgd.gov.kz پورتالىندا «سالىق تولەۋشىنى ىزدەۋ» باتىرماسى ارقىلى ەلەكتروندى سەرۆيستەردەن الۋعا بولادى.

2014 -جىلعى 29 - مامىرداعى ەۋرازيالىق ەكونوميكالىق وداق تۋرالى شارتقا سايكەس جەكە كاسىپكەر رەتىندە قىزمەتتى قازاقستان رەسپۋبليكاسىنىڭ اۋماعىندا تۇراقتى تۇراتىن، ياعني قازاقستان رەسپۋبليكاسىندا تۇرۋعا ىقتيارحاتى بار قازاقستان رەسپۋبليكاسىنىڭ ازاماتتارى، قانداستار، سونداي- اق ر ف، تاجىكستان، قىرعىزستان، بەلارۋس، ارمەنيا ەلدەرىنىڭ ازاماتتارى جۇزەگە اسىرا الادى.

2021 -جىلعى 1 قاڭتاردان باستاپ جەكە تۇلعالاردى، شەتەلدىكتەر مەن ازاماتتىعى جوق ادامداردى تىركەۋ، ونىڭ ىشىندە ج س ن قالىپتاستىرۋ، تىركەۋ دەرەكتەرىنە وزگەرىستەر جانە (نەمەسە) تولىقتىرۋلار ەنگىزۋ، سونداي- اق جەكە تۇلعالاردىڭ ج س ن ءنومىرىن الىپ تاستاۋ فۋنكسياسى مەملەكەتتىك كىرىستەر كوميتەتىنىڭ قۇزىرەتىنەن قازاقستان رەسپۋبليكاسى ىشكى ىستەر مينيسترلىگىنە بەرىلدى.