ەلىمىزدە رەيدەرلىككە جول بەرىلمەۋى كەرەك - قاسىم-جومارت توقايەۆ
19 مامىر 20:24

ەلىمىزدە رەيدەرلىككە جول بەرىلمەۋى كەرەك - قاسىم-جومارت توقايەۆ

نۇر-سۇلتان. قازاقپارات - بيزنەس ءادىل جۇمىس ىستەۋگە دايىن بولسا، ولارعا قولداۋ كورسەتۋ كەرەك.

بۇل تۋرالى بۇگىن اقوردادا وتاندىق بيزنەس وكىلدەرىمەن كەزدەسۋ كەزىندە پرەزيدەنت قاسىم- جومارت توقايەۆ ءمالىم ەتتى، دەپ حابارلايدى قازاقپارات ءتىلشىسى.

«ەلىمىزدە «قامقورشىلار» مەن رەيدەرلىككە جول بەرىلمەۋى قاجەت. ەگەر بيزنەس ءادىل ءارى تازا جۇمىس ىستەۋگە دايىن بولسا، كرەاتيۆتىلىك تانىتسا، زامان تالابىنا ساي تارتىمدىلىق كورسەتسە، ولارعا قولداۋ جاساۋ كەرەك. اتاپ ايتقاندا، وسىنداي بيزنەس وكىلدەرىنىڭ ۇلتتىق ەكونوميكانىڭ جاڭا مودەلىنە قوسىلۋىنا كومەك كورسەتكەن ابزال»، - دەدى قاسىم-جومارت توقايەۆ.

بۇعان دەيىن حابارلانعانداي، بۇگىن اقوردادا پرەزيدەنت وتاندىق بيزنەس وكىلدەرىمەن كەزدەسۋ كەزىندە كاسىپكەرلەر مەملەكەت مۇددەسىن جوعارى قويا ءبىلۋى كەرەك ەكەنىن ايتتى.

سونىمەن قاتار مەملەكەت باسشىسى بيزنەسكە قىسىم كورسەتۋدىڭ ءاربىر دەرەگى باس پروكۋروردىڭ قاداعالاۋىندا بولۋى ءتيىس ەكەنىن تاپسىردى.

جاڭالىقتار