پرەزيدەنت بيزنەسكە جەر تەلىمىن بەرۋدى جەڭىلدەتۋدى تاپسىردى

None
None
نۇر-سۇلتان. قازاقپارات - قازاقستاننىڭ ستراتەگيالىق ماقساتى - مىقتى جانە جاۋاپتى جەكە بيزنەستى قۇرۋ.

بۇل تۋرالى قر پرەزيدەنتى قاسىم-جومارت توقايەۆ وتاندىق بيزنەس وكىلدەرىمەن كەزدەسۋىندە ايتتى، دەپ حابارلايدى قازاقپارات ءتىلشىسى.

«بيزنەستى قورعاۋ تەتىكتەرىن كۇشەيتۋ جونىندەگى قادامداردان باسقا، تارتىمدى ينۆەستيتسيالىق احۋال قالىپتاستىرۋعا دا ەرەكشە نازار اۋدارۋ قاجەت. جاھاندىق تۋربۋلەنتتىك پەن بەلگىسىزدىك، سىرتقى جانە ىشكى سىن-قاتەرلەردىڭ كۇشەيۋى كەزىندە، ادەتتە مەملەكەتتىڭ ءرولى كۇشەيە تۇسەدى. الايدا، ءبىزدىڭ ستراتەگيالىق ماقساتىمىز - ءارقاشان مىقتى جانە جاۋاپتى جەكە بيزنەستى قۇرۋ بولىپ قالا بەرەدى»، - دەدى پرەزيدەنت.

مەملەكەت باسشىسىنىڭ ايتۋىنشا، قۋاتتى جانە تۇراقتى نارىقتىق ەكونوميكا قۇرۋ ءۇشىن اركەلكى باسەكەلەستىك فاكتورلارىن انىقتاۋ جانە جويۋ بويىنشا جۇيەلى جۇمىس قاجەت. ونىڭ تۋىنداۋ تاۋەكەلدەرى مەملەكەتتىك قولداۋ شارالارىنىڭ ءتيىمسىز راسىمدەرىندە جاتىر.

بۇل سالىق جەڭىلدىكتەرىنە، جەر تەلىمدەرىن بولۋگە، مەملەكەتتىك ساتىپ الۋلارعا جانە جالپى اكىمشىلىك رەتتەۋگە قاتىستى.

«مىسالى، قازىر شاعىن جانە ورتا بيزنەس ءۇشىن جەرگە قول جەتكىزۋدىڭ بىردەن-ءبىر ءتاسىلى - الەۋمەتتىك-كاسىپكەرلىك كورپوراتسيالاردىڭ مىندەتتى قاتىسۋىمەن ينۆەستيتسيالىق جوبالاردى ىسكە اسىرۋ بولىپ وتىر. باسقاشا ايتقاندا، ءوندىرىستىڭ نەگىزگى فاكتورىمەن بىرگە، كاسىپكەرگە مەملەكەتتىڭ قاتىسۋى ءماجبۇرلى تۇردە تاڭىلادى. بيزنەس جەر تەلىمىن جالپى نەگىزدە الۋ مۇمكىندىگىنىڭ جوقتىعىنا شاعىمدانادى. بۇل ماسەلەنىڭ جۇيەلى شەشىمى - جەر رەسۋرستارىنىڭ اشىق كارتاسىن جاساۋ دەپ تە بولجاندى. ءبىراق، بۇل باعىتتاعى جۇمىس وتە باياۋ ءجۇرىپ جاتىر. قولدانىستاعى ەلەكتروندى رەسۋرس پايدالانۋشىلار ءۇشىن ىڭعايسىز، دەرەكتەردىڭ وزەكتىلىگى ماسەلەسى باسى اشىق كۇيىندە قالىپ وتىر، باسقا جۇيەلەرمەن ينتەگراتسيا جوق. ۇكىمەت بۇل ماسەلەنى ايرىقشا باقىلاۋعا الۋى كەرەك»، - دەدى ق. توقايەۆ.

بۇل جوبانى ءتيىمدى ىسكە اسىرۋ - كەلەسى قادامعا وتۋگە، ياعني جەر الۋعا ءوتىنىم بەرۋ مەن قاراۋدىڭ اۆتوماتتاندىرىلعان تەتىگىن ەنگىزۋگە جەدەل كوشۋگە مۇمكىندىك بەرەدى. پرەزيدەنت مۇنداي جۇيەنى جىل سوڭىنا دەيىن ىسكە قوسۋ قاجەتتىگىن ايتتى. «باسەكەلى نارىقتاردا باعا شەكتەۋلەرىن قولدانۋ ماسەلەسى ەرەكشە نازار اۋدارۋدى تالاپ ەتەدى. باعا شەكتەۋلەرى ازىق- تۇلىك، ءدارى- دارمەك جانە باسقا دا بولشەك ساۋدا نارىقتارىندا بەلسەندى قولدانىلا باستادى.

مۇمكىن ءدال قازىر، ءبىزدىڭ دامۋىمىزدىڭ كۇردەلى كەزەڭىندە بۇل قاجەت تە شىعار. ءبىراق، ۇكىمەت باعانى رەتتەۋدىڭ نارىقتىق تەتىكتەرىن قولدانۋ جونىندە ويلانۋى كەرەك. قورىتا ايتقاندا، بارلىق سالالاردا باسەكەلەستىكتى جەدەل قارقىنمەن كۇشەيتۋ كەرەك. جالعان قاداعالاۋ جولى جالپى تاپشىلىققا جانە تاۋارلار ساپاسىنىڭ تومەندەۋىنە اكەلۋى مۇمكىن. تەپە- تەڭدىك قاجەت. باسەكەگە قابىلەتتى تاۋار نارىقتارىنىڭ شامادان تىس باعالىق رەتتەلۋى ەلدى جەكە ينۆەستيتسيالاردان ايىرادى»، - دەدى قاسىم- جومارت توقايەۆ.


سوڭعى جاڭالىقتار