بيزنەسكە قىسىم كورسەتۋ دەرەكتەرى باس پروكۋروردىڭ قاداعالاۋىندا بولۋى ءتيىس - پرەزيدەنت
19 مامىر 20:27

بيزنەسكە قىسىم كورسەتۋ دەرەكتەرى باس پروكۋروردىڭ قاداعالاۋىندا بولۋى ءتيىس - پرەزيدەنت

نۇر-سۇلتان. قازاقپارات - بيزنەسكە قىسىم جاساۋدىڭ ءاربىر دەرەگى باس پروكۋروردىڭ قاداعالاۋىندا بولۋى ءتيىس.

بۇل تۋرالى بۇگىن اقوردادا وتاندىق بيزنەس وكىلدەرىمەن كەزدەسۋ كەزىندە پرەزيدەنت قاسىم-جومارت توقايەۆ ءمالىم ەتتى، دەپ حابارلايدى قازاقپارات ءتىلشىسى.

پرەزيدەنت بيزنەسكە قىسىم كورسەتۋ فاكتورلارىن انىقتاۋ مەن ارەكەت ەتۋدىڭ تيىمدىرەك جۇيەسىن قۇرۋ كەرەك ەكەنىن ايتا كەلە: «جوعارعى سوت كاسىپكەرلەرگە قاتىستى قىلمىستىق ىستەرگە قايتا-قايتا شولۋ جاساپ وتىرۋى ءتيىس»، - دەدى. وسى ورايدا مەملەكەت باسشىسى ۇسىنىستاردى تىركەۋ، جۇيەلەندىرۋ، تالداۋ مەن دايارلاۋدى رەتكە كەلتىرۋدى تاپسىردى.

قاجەت بولعاندا ۇسىنىستار جەدەل تۇردە نورماتيۆتىك- قۇقىقتىق اكتىلەرگە راسىمدەلۋى كەرەك. بۇل جۇمىسقا بيزنەس-قوعامداستىقتى بەلسەندى تۇردە تارتۋ قاجەت.

«رەيدەرلىكتىڭ نەمەسە قۇقىق قورعاۋ ورگاندارى تاراپىنان نەگىزسىز قىسىم كورسەتۋدىڭ انىقتالعان ءاربىر فاكتىسى باس پروكۋروردىڭ جەكە قاداعالاۋىندا بولۋى ءتيىس. وسى تەكتەس ىستەردى سوڭىنا دەيىن جەتكىزۋ تالاپ ەتىلەدى»، - دەدى مەملەكەت باسشىسى.

بۇعان دەيىن حابارلانعانداي، اقوردادا قاسىم-جومارت توقايەۆ وتاندىق بيزنەس وكىلدەرىمەن كەزدەسۋ كەزىندە كاسىپكەرلەر مەملەكەت مۇددەسىن جوعارى قويا ءبىلۋى كەرەك ەكەنىن ايتتى.

جاڭالىقتار