لاۋازىمداردى قايتا بولىسكە سالۋعا جول بەرىلمەيدى - پرەزيدەنت

نۇر-سۇلتان. قازاقپارات - كاسىپكەرلەرىمىز مەملەكەت مۇددەسىن جوعارى قويا ءبىلۋى كەرەك.

بۇل تۋرالى بۇگىن اقوردادا وتاندىق بيزنەس وكىلدەرىمەن كەزدەسۋ كەزىندە پرەزيدەنت قاسىم-جومارت توقايەۆ ءمالىم ەتتى، دەپ حابارلايدى قازاقپارات ءتىلشىسى.

«تۇپتەپ كەلگەندە، كەلەشەگىمىز ەكونوميكانىڭ مىقتى بولۋىنا بايلانىستى. وسى ورايدا، كاسىپكەرلەرىمىز مەملەكەت مۇددەسىن جوعارى قويا ءبىلۋى كەرەك»، - دەدى قاسىم-جومارت توقايەۆ.

سونىمەن قاتار مەملەكەت باسشىسى بارلىعىنا بىردەي ءادىل قىزمەت ەتۋ ءۇشىن اشىق ەكونوميكانى قالىپتاستىرۋ ساياساتىن جالعاستىراتىنىن قاداپ ايتتى.

بۇل تۇرعىدا پرەزيدەنت «مايشەلپەك» ورىندار مەن لاۋازىمداردى قايتا بولىسكە سالۋ دەگەن بولمايتىنىن جانە وعان جول بەرىلمەيتىنىن اتاپ ءوتتى.

بۇعان دەيىن حابارلانعانداي، اقوردادا قاسىم-جومارت توقايەۆ وتاندىق بيزنەس وكىلدەرىمەن كەزدەسىپ جاتىر.