سارقان اۋدانىندا قوقىستان تابىلعان بالانىڭ اناسى ۇستالدى
قازىر ول كۇدىكتى رەتىندە تەرگەلىپ جاتىر، - دەپ حابارلايدى قازاقپارات ءتىلشىسى. قوقىستان مۇردەسى تابىلعان 2017 -جىلعى قىز بالانىڭ اناسىنىڭ ايتۋىنشا، بالاسى سال اۋرۋىنا شالدىققان جانە اقىل-ەسى كەم بولعان.
«بالانىڭ اناسى 19 جاستا. ونىڭ ايتۋىنشا، قىزى اۋىرىپ، كوز جۇمعان. ولار اعاسى ەكەۋى كەلىسىپ، قالانىڭ ماڭىنا جەرلەمەك بولعان. قازىر اتالعان فاكتىگە سايكەس ق ر ق ك 99-بابى، «ادام ءولتىرۋ» بويىنشا ءىس قوزعالىپ، تەرگەۋ ءجۇرىپ جاتىر»، - دەلىنگەن الماتى وبلىستىق پوليتسيا دەپارتامەنتى باسپا ءسوز قىزمەتىنىڭ حابارلاماسىندا.
قازىر اتالعان ءىس الماتى وبلىستىق پوليتسيا دەپارتامەنتىنىڭ قاتاڭ باقىلاۋىندا.
ەستەرىڭىزگە سالا كەتەيىك، بۇعان دەيىن الماتى وبلىسى سارقان اۋدانىندا بەس جاستاعى بالانىڭ ءمايىتى قوقىستان تابىلعانىن حابارلاعان بولاتىنبىز.
اۆتور: سامال قابىشەۆا