قىتاي جانە رەسەيمەن شەكارالاس الاڭداردا جاڭا كەن ورىندارى اشىلۋى مۇمكىن
19 مامىر 11:55

قىتاي جانە رەسەيمەن شەكارالاس الاڭداردا جاڭا كەن ورىندارى اشىلۋى مۇمكىن

نۇر-سۇلتان. قازاقپارات – ق ر ەكولوگيا، گەولوگيا جانە تابيعي رەسۋرستار مينيسترلىگى، گەولوگيا كوميتەتىنىڭ ءتوراعاسى تالعات ساتيەۆتىڭ ايتۋىنشا، رەسەي جانە قىتايمەن شەكارالاس الاڭداردا جاڭا قورعاسىن- مىرىش كەن ورىندارى اشىلۋى مۇمكىن، دەپ حابارلايدى قازاقپارات ءتىلشىسى.

«بۇل رەتتە، قازاقستاندا جاڭا كەن ورىندارىن اشۋ ءۇشىن ايتارلىقتاي پەرسپەكتيۆالار بار. اقمولا جانە قوستاناي وبلىستارىنىڭ، ورتالىق، شىعىس جانە وڭتۇستىك وڭىرلەردىڭ الاڭدارىندا التىننىڭ كەن ورىندارى بار. ورتالىق جانە وڭتۇستىك قازاقستاندا، كەندى التايدا، سونداي-اق رەسەي جانە قىتايمەن شەكارالاس الاڭداردا جاڭا قورعاسىن- مىرىش كەن ورىندارى اشىلۋى مۇمكىن»، - دەدى كوميتەت ءتوراعاسى ورتالىق كوممۋنيكاتسيالار قىزمەتىندە ءوتىپ جاتقان بريفينگىدە.

ونىڭ سوزىنە قاراعاندا ەلىمىزدە ۆولفرام، موليبدەن، اليۋميني، قالايى سياقتى سيرەك كەزدەسەتىن پايدالى قازبالاردىڭ جاڭا كەن ورىندارىن اشۋ پەرسپەكتيۆالارى بار.

«مەملەكەت باسشىسىنىڭ تاپسىرماسى بويىنشا 2021-2025 -جىلدارعا ارنالعان «گەولوگيا سالاسىن دامىتۋ» باعىتىن قامتيتىن «قازاقستاندىقتاردىڭ ءال- اۋقاتىن ارتتىرۋعا باعىتتالعان ورنىقتى ەكونوميكالىق ءوسۋ» ۇلتتىق جوباسى قابىلداندى. ونىڭ اياسىندا زەرتتەۋلەردىڭ جالپى اۋدانى 2026 -جىلعا قاراي 680 مىڭ شارشى شاقىرىمنان اسادى»، - دەدى تالعات ساتيەۆ.

بۇعان دەيىن جازعانىمىزداي، قازاقستاندا گەولوگيالىق مالىمەت جيناقتالعان اقپاراتتىق جۇيە قۇرىلادى.

اۆتور: ەسىمجان ناقتىباي


جاڭالىقتار