10:25, 19 - مامىر 2022 | GMT +6
شىمكەنتتە قاماۋعا وتىرعان ادام سۋيتسيد جاساپ كوز جۇمدى
شىمكەنت. قازاقپارات - شىمكەنت قالاسى جانە تۇركىستان وبلىسى بويىنشا قىلمىستىق اتقارۋ جۇيەسى دەپارتامەنتىنىڭ ي چ-167/11 مەكەمەسىندە جاتقان كۇدىكتى وزىنە قول سالدى، دەپ حابارلايدى قازاقپارات ءتىلشىسى.
1962 -جىلى تۋعان تۇرعىنعا كىسى ءولتىردى دەگەن ايىپ تاعىلعان. كۇدىكتىگە مەكەمە قىزمەتكەرلەرى العاشقى كومەك كورسەتۋ شارالارىن قولدانعان. ال، جەدەل مەديتسينالىق جاردەم بريگاداسىنىڭ وكىلدەرى كۇدىكتىنىڭ قان جوعالتۋدىڭ سالدارىنان مەرت بولعانىن انىقتادى.
«اتالعان فاكتى بويىنشا دەپارتامەنتتە قىزمەتتىك تەرگەۋ جۇرگىزىلدى. ونىڭ ناتيجەلەرى بويىنشا قىزمەتكەرلەر جاۋاپقا تارتىلدى. تەرگەۋ ماتەريالدارىنا سايكەس، سۋيتسيد تۇندە جاسالعان. تەرگەۋ ءۇشىن قاماۋعا الىنعان ادام كامەرادا وزىنە جاراقات سالعان سوڭ، كورپەگە ورانىپ جاتىپ قالعان» - دەلىنگەن شىمكەنت قالاسى جانە تۇركىستان وبلىسى بويىنشا قىلمىستىق اتقارۋ جۇيەسى دەپارتامەنتىنىڭ باسپا ءسوز قىزمەتى تاراتقان حابارلامادا.
اۆتور: قايرات زاينيشەۆ