تۇمان، جاۋىن، جەل - بەيسەنبىگە ارنالعان اۋا رايى بولجامى
19 مامىر 07:25

تۇمان، جاۋىن، جەل - بەيسەنبىگە ارنالعان اۋا رايى بولجامى

نۇر-سۇلتان. قازاقپارات - قازگيدرومەت 19-مامىرعا ارنالعان اۋا رايى بولجامىن جاريالادى، دەپ حابارلايدى قازاقپارات.

الداعى تاۋلىكتە قازاقستان تەرريتورياسىنا انتيسيكلون ىقپالىن تيگىزەدى. ق ر باسىم بولىگىندە جاڭبىر، سولتۇستىك پەن وڭتۇستىك- شىعىستا قاتتى جاڭبىر جاۋادى، نايزاعاي، بۇرشاق، داۋىل، جەلدىڭ كۇشەيۋى، باتىس، سولتۇستىك پەن ورتالىقتا تۇندە جانە تاڭەرتەڭ تۇمان تۇسەدى.

اقمولا، سولتۇستىك قازاقستان، قوستاناي وبلىستارىنىڭ باسىم بولىگىندە جەلدىڭ 15-20، كۇندىز ەكپىنى 23-28، سولتۇستىك- شىعىستا كەي ۋاقىتتاردا 30 م/س جانە ودان اسا كۇشەيۋى، سولتۇستىگى، باتىسى مەن شىعىسىندا بۇرشاق، داۋىل سوعادى.

قاراعاندى وبلىسىندا جەلدىڭ تۇندە سولتۇستىگى مەن باتىسىندا 15-20 م/س، كۇندىز باسىم بولىگىندە 15-20، ەكپىنى 23-28، سولتۇستىگىندە 30 م/س جانە ودان اسا كۇشەيۋى، تۇندە سولتۇستىگى مەن شىعىسىندا تۇمان تۇسەدى.

تۇركىستان وبلىسىنىڭ تاۋلارىندا داۋىل، جەلدىڭ 15-20 م/س كۇشەيۋى كۇتىلەدى. باتىس قازاقستان وبلىسىنىڭ سولتۇستىگى مەن وڭتۇستىگىندە بۇرشاق، داۋىل، كۇندىز سولتۇستىگى، سولتۇستىك- شىعىسىندا جەلدىڭ 15-20 كۇشەيۋى كۇتىلەدى.

پاۆلودار وبلىسىنىڭ باسىم بولىگىندە كۇندىز جەلدىڭ 15-20، باتىسىندا ەكپىنى 23 م/س كۇشەيۋى، تۇندە باتىسىندا تۇمان تۇسەدى.

شىعىس قازاقستان وبلىسىنىڭ سولتۇستىگى، وڭتۇستىگى مەن ورتالىعىندا بۇرشاق، جەلدىڭ 15-20، ەكپىنى 23 م/س كۇشەيۋى كۇتىلەدى.

جامبىل وبلىسىنىڭ وڭتۇستىگى مەن تاۋلى اۋداندارىندا بۇرشاق، داۋىل، وڭتۇستىك- باتىسى، سولتۇستىك- شىعىسى مەن تاۋلى اۋداندارىندا جەلدىڭ 15-20 م/س كۇشەيۋى كۇتىلەدى. اقتوبە وبلىسىنىڭ سولتۇستىگى مەن شىعىسىندا، كۇندىز قىزىلوردا وبلىسىنىڭ ورتالىعىندا جەلدىڭ 15-20 م/س كۇشەيەدى.

ماڭعىستاۋ وبلىسىنىڭ باتىسىندا تۇندە جانە تاڭەرتەڭ تۇمان كۇتىلەدى. شىعىس قازاقستان وبلىسىنىڭ جارما اۋدانىندا، قىزىلوردا وبلىسىنىڭ ورتالىعىندا ءورت قاۋىپى جوعارلايدى.


جاڭالىقتار