07:40, 19 - مامىر 2022 | GMT +6
الماتى وبلىسى سارقان اۋدانىندا بەس جاستاعى بالانىڭ ءمايىتى قوقىستان تابىلدى
تالدىقورعان. قازاقپارات - الماتى وبلىسى سارقان اۋدانىندا بەس جاستاعى بالانىڭ ءمايىتى قوقىستان تابىلدى، - دەپ حابارلايدى قازاقپارات ءتىلشىسى.
پوليتسيانىڭ اقپاراتىنا سايكەس، بالانىڭ مۇردەسى سارقان قالاسىنداعى كىرپىش شىعاراتىن زاۋىتتىڭ ماڭىنداعى قوقىستان تابىلعان. بالا الدىن الا بولجام بويىنشا، 4-5 جاستا. بويى - 90-100 س م. بالانىڭ باسى شامامەن بەس مەتر جەردەن تابىلعان. بولجام بويىنشا، ول قىز بالا بولۋى مۇمكىن. قازىر مۇردە ءمايىتحاناعا ساراپتاما جاسالۋ ءۇشىن جىبەرىلگەن.
«بالانىڭ ءولى دەنەسى قوقىستان تابىلعانىن راستايمىن. سارقان اۋداندىق پوليتسياسىنا بالا جوعالدى دەگەن شاعىم تۇسپەگەن. بۇل ىسپەن پوليتسيا اينالىسىپ جاتىر»، - دەلىنگەن سارقان اۋدانى اكىمىنىڭ باسپا ءسوز قىزمەتىنىڭ قازاقپارات تىلشىسىنە بەرگەن جاۋابىندا.
اۆتور: سامال قابىشەۆا