الماتى وبلىسىندا جاس وتباسىلارعا ءۇي بەرىلەدى
18 مامىر 22:46

الماتى وبلىسىندا جاس وتباسىلارعا ءۇي بەرىلەدى

تالدىقورعان. قازاقپارات - الماتى وبلىسىندا جاس وتباسىلارعا ءۇي بەرىلەدى. وسى ماقساتقا 1 ميلليارد تەڭگە قارجى ءبولىندى، - دەپ حابارلايدى قازاقپارات ءتىلشىسى.

بۇگىن بۇل ماسەلە ءدىن، ءتىل، ەتنوسارالىق قاتىناستار، ىشكى جانە جاستار ساياساتى ماسەلەلەرى جونىندەگى تۇراقتى كوميسسيانىڭ وتىرىسىندا قارالدى. بۇل كوميسسياعا الماتى وبلىستىق ءماسليحات دەپۋتاتتارى مۇشە.

«بۇل باعدارلاماعا تەك الماتى وبلىسىنىڭ جاس وتباسىلارى عانا قاتىسادى. ولار وسى وڭىردە جۇمىس ىستەۋى ءتيىس. بۇل باعدارلاما بيىل تامىز ايىندا جۇزەگە اسادى دەپ جوسپارلاپ وتىرمىز. 1 ميلليارد تەڭگە قارجى ءبولىندى. 100 وتباسىن باسپانامەن قامتىساق دەگەن ءۇمىتىمىز بار. باعدارلاماعا 35 جاسقا دەيىنگى (35 جاستى قوسا العاندا) جاستار قاتىسا الادى. وتباسىن قۇرعان بولۋى ءتيىس. تولىق ەمەس وتباسىلار دا اتالعان باعدارلاماعا قاتىسا الادى»، - دەدى الماتى وبلىستىق ىشكى ساياسات باسقارماسى باسشىسىنىڭ ورىنباسارى ەلدار ساپاروۆ.

باسپاناعا قاراجات %5 بەن، 25 جىلعا دەيىن بەرىلەدى دەپ جوسپارلانۋدا. ءار جاس وتباسى ءۇيلى بولۋى ءۇشىن 10 ميلليون تەڭگە دەيىن قاراجات بەرىلەدى. ەسكەرتە كەتەتىن جايت، وسى جوباعا نيەتتى جاس وتباسىلاردىڭ باسىندا باسپاناسى بولماۋى ءتيىس.

اۆتور: سامال قابىشيەۆا

جاڭالىقتار