يۆان دىچكونىڭ شارشى الاڭعا قاشان شىعاتىنى انىقتالدى
18 مامىر 18:29

يۆان دىچكونىڭ شارشى الاڭعا قاشان شىعاتىنى انىقتالدى

نۇر-سۇلتان. قازاقپارات - اسا اۋىر سالماقتا ونەر كورسەتەتىن قازاقستاندىق بوكسشى يۆان دىچكونىڭ (11-0، 11 ك و) كاسىپقوي بوكستاعى كەلەسى جەكپە-جەگى قاشان وتەتىنى بەلگىلى بولدى، دەپ جازادى Vesti.kz. BoxRec.com

اقپاراتى بويىنشا، دىچكونىڭ الداعى كەزدەسۋى 4- ماۋسىم كۇنى لۋيسۆيلل (كەنتۋككي شتاتى، ا ق ش) قالاسىندا وتەدى.

ءبىراق قازاقستاندىق بوكسشىنىڭ قارسىلاسى ازىرگە بەلگىسىز.

ايتا كەتەيىك، يۆان سوڭعى كەزدەسۋىن 18- جەلتوقسان كۇنى الماتى قالاسىندا وتكىزىپ، رەسەيلىك الەكساندر ۋستينوۆتى (36-6-1، 27 ك و) ءبىرىنشى راۋندا نوكاۋتپەن جەڭدى.

سودان سوڭ دىچكو 16- ءساۋىر كۇنى امەريكالىق دەنيەل مارتتسپەن (20-10-1، 17 ك و) جەكپە-جەك وتكىزۋى كەرەك بولعان. ءبىراق كەزدەسۋدىڭ الدىندا وتانداسىمىز ا ق ش- قا ۆيزا الا الماي قالدى.

جاڭالىقتار