الماتىدا رەفەرەندۋمدا داۋىس بەرەتىن ۋچاسكەڭىزدى قالاي بىلۋگە بولادى

None
None
الماتى. قازاقپارات - الماتى تۇرعىندارى ءۇشىن قازاقستان رەسپۋبليكاسىنىڭ كونستيتۋتسياسىنا وزگەرىستەر مەن تولىقتىرۋلار ەنگىزۋ ماسەلەسى بويىنشا 5- ماۋسىمعا بەلگىلەنگەن رەسپۋبليكالىق رەفەرەندۋم جايىندا اقپارات بەرەتىن ءبىرىڭعاي Call-ورتالىق ىسكە قوسىلدى.

Call-ورتالىق حالىقتى اقپاراتتاندىرۋ جانە قالا تۇرعىندارىنا رەفەرەندۋم ماسەلەلەرى بويىنشا كەڭەستەر بەرۋ ءارى داۋىس بەرۋ پروتسەسىنە تارتۋ ءۇشىن قۇرىلعان.

ءبىرىڭعاي Call ورتالىققا 7273384545+ تەلەفونى بويىنشا حابارلاسىپ، ءوزىڭىزدى رەسپۋبليكالىق رەفەرەندۋمعا قاتىسۋعا قۇقىعى بار ازاماتتار تىزىمىنەن تەكسەرۋگە، سونداي-اق ءوز ۋچاسكەڭىزدىڭ ءنومىرى مەن مەكەنجايىن ناقتىلاۋعا بولادى.

قوڭىراۋ شالۋ بارىسىندا Call-ورتالىقتىڭ وپەراتورلارى ازاماتتاردىڭ مۇمكىندىكتەرىنە، داۋىس بەرۋ راسىمدەرىنە جانە رەفەرەندۋم كۇنىندەگى ۋچاسكەلەردىڭ جۇمىسىنا قاتىستى بۇكىل زاڭنامالىق نورمالاردى تۇسىندىرەدى.

Call-ورتالىق قوڭىراۋلاردى كۇن سايىن ءۇزىلىسسىز جانە دەمالىس كۇندەرى، سونداي-اق داۋىس بەرىلەتىن كۇننىڭ سوڭىنا دەيىن ساعات 8:00 دەن 20:00 گە دەيىن قابىلدايدى.

Open-almaty.kz سايتىندا داۋىس بەرۋگە ارنالعان ۋچاسكە تۋرالى اقپارات الۋ جونىندەگى فۋنكتسيونال قولجەتىمدى. قاجەتتى اقپاراتتى @ReferendumAlmaty2022Bot Telegram-بوتى ارقىلى دا الۋعا بولادى. ءوزىڭىزدى تىزىمنەن تابۋ جانە مالىمەتتەردى الۋ ءۇشىن ج س ن ءنومىرىن ەنگىزۋ قاجەت. رەفەرەندۋمعا «2022-جىلعى 6- مامىردا بۇقارالىق اقپارات قۇرالدارىندا جاريالانعان «قازاقستان رەسپۋبليكاسىنىڭ كونستيتۋتسياسىنا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسى زاڭىنىڭ جوباسىندا باياندالعان قازاقستان رەسپۋبليكاسىنىڭ كونستيتۋتسياسىنا وزگەرىستەر مەن تولىقتىرۋلاردى قابىلدايسىز با؟» دەگەن سۇراق قويىلعان.

پرەزيدەنت قاسىم-جومارت توقايەۆتىڭ جارلىعىمەن رەفەرەندۋم ازاماتتاردىڭ ەرىكتى تۇردە قاتىسۋى، ويىن ەركىن ءبىلدىرۋى، سونداي-اق جالپىعا بىردەي، تەڭ، تىكەلەي جانە جاسىرىن داۋىس بەرۋ قاعيداتتارى بويىنشا وتەدى.

ەسكە سالا كەتەيىك، رەسپۋبليكالىق رەفەرەندۋم 2022-جىلدىڭ 5- ماۋسىمىندا وتەدى.

الماتىدا بارلىعى 574 سايلاۋ ۋچاسكەسى جۇمىس ىستەيدى. تولىق اقپارات الماتى اكىمدىگىنىڭ سايتىندا جاريالانعان.


سوڭعى جاڭالىقتار