تەك ەرلەرگە عانا ارنالعان كەڭەس

نۇر- سۇلتان. قازاقپارات - ادەتتە تانىسۋعا باتىلىڭ جەتپەيتىن قىزبەن تانىسىپ كور. ءبىراز تاڭ قالاسىڭ.

ساعان تىكەلەي قاۋىپ توندىرمەگەن ادامعا زارار كەلتىرمە.

ءار باسكيىمدى ءوز ماقساتىنا ساي كي.

ساقال- مۇرتتى سابىنداپ بارىپ قىرىنۋدى ۇيرەن.

جاقسى تىگىلگەن ادەمى كوستيۋم كيۋ - جىگىتتىڭ كوركى.

ءبىرىنشى رەت تۇكتىڭ باعىتىنا قاراي قىرىنۋ كەرەك.

اداممەن سويلەسكەندە كوزىنە تىك قارا.

ۆانتۋز قاجەت بولماي تۇرىپ ساتىپ الىپ قوي.

سپورتپەن شۇعىلدانۋ جىگىتتى باقىتقا بولەيدى. جۇگىرۋ، شتانگا كوتەرۋ، گانتەلمەن جاتتىعۋ، فۋتبول، باسكەتبول جانە ت. ب.

گالستۋك تاقپاس بۇرىن ءتىسىڭدى شايۋدى ادەت قىل.

جالاقىڭنىڭ ءبىر بولىگىن جيناپ ءجۇر.

اكە- شەشەڭە اپتا سايىن قوڭىراۋ شال.

ەشقاشان تۇيمەلەنەتىن گالستۋك تاقپا.

ادامداردىڭ قولىن قاتتى قىسىپ امانداس.

ايەلدىڭ اياق كيىمىنە قاتىستى ماقتاۋ ايت.

بىردەڭەگە سەنىمىڭ بولماي تۇرسا دا سەنىمدى قالىپ تانىت.

ادامدى مازالايتىن نارسەسى ارقىلى تانۋعا بولادى.

ءتاننىڭ ءتىلىن جاقسى مەڭگەر. اسىرەسە، وزىڭدىكىن (ىم- يشارا، ءجۇرىس- تۇرىس).

نىساناعا الدىڭ با - ءشۇرىپپنى باس.

بىرەۋدىڭ قولىن قىسپاس بۇرىن ورنىڭنان مىندەتتى تۇردە تۇر.

ايىرلىپ قالۋعا قورقاتىن نارسەنى قارىزعا بەرمە.

جاۋاپ بەرگەننەن سۇراق قويۋعا پەيىلدى بول. ادامنىڭ ءبارى ءوزى تۋرالى ايتقاندى ۇناتادى.

كەڭسەدە ارتىق كيىم ساقتاۋدى ادەت قىل.

قۇرال- جابدىق العاندا ەڭ ساپالىسىن تاڭدا، ايتپەسە قايتا- قايتا ساتىپ الۋعا تۋرا كەلەر.

ازاماتتىق - ءوزىڭدى عانا ويلاۋ ەمەس، اينالاڭا قامقورلىق تانىتۋ.

ەرتەسى قىسىلماي ايتا الاتىن شەشىمدەردى عانا قابىلدا.

تۇرەگەپ جۇرگەندە ءتۇمپيىپ جەرگە قاراما، الدىڭا قاراپ ءجۇر.

كوڭىلدى جىگىتتەر اتتانداۋشىلاردىڭ الدىن وراپ اكەتەدى.

كوڭىلىڭە جاعاتىن ءىستى تاپ، ودان قالاي پايدا تابۋعا بولاتىنىن ءبىل.

ومىرلىك مارتەبەسى مەن قىزمەتىنە قاراماستان ءار ادام سەنىڭ قۇرمەتىڭە لايىق.

ەڭ باستىسى - جەكە باستىڭ جاۋاپكەرشىلىگىن مەڭگەرۋ. ءار كەزدىڭ ءوز تۇيتكىلى بار، سەنىڭ ماقساتىڭ - سونىڭ ءبارىن شەشۋ.

ءبىرىنشى اشۋلانعان ادام جەڭىلەدى.

ەشقاشان جۇمىس پەن مويىنعا جۇكتەلگەن پارىز دۇنيەگە رەنجىمە. رەنجىگەننەن باسقا بىرەۋ كەلىپ ىستەپ بەرمەيدى.

ەشقاشان وقىپ- ىزدەنۋدەن شارشاما.

ەلدىڭ الدىنا شىعاتىن كەزدە ومىرلىك ماحابباتىڭدى قارسى الۋعا شىققانداي كيىنىپ ءجۇر.

بىرەۋدىڭ باقىتى ءۇشىن ءوزىڭدى وزگەرتۋگە تالپىنبا. ءوزىڭ ءۇشىن عانا وزگەر.

ەگەر وسى بولمەدە ەڭ اقىلدى سەن بولساڭ، وندا سەن دۇرىس ەمەس بولمەدە وتىرعانىڭ.

شىن كۇتكەن ادامعا عانا ساتتىلىك بۇيىرماق.

جىگىتتىڭ سەنىمدى بولۋى وعان كورىك بەرەدى دەيدى ايەلدەر.

قالاۋىڭنىڭ ءبارىن جاسا، تەك نيەتىڭدى كىرلەتپەي جاسا، ەڭ دۇرىس جولىن تاڭداي ءبىل.

اجال قۇشار الدىندا ەشكىم جۇمىس ىستەي تۇرايىن دەمەگەن. ومىردەن ءلاززات الا ءبىل.

اۋدارعان شىنار ءابىلدا